Быйыл ноябрь айны 21-де Михаилоархангельский клисада къуанчны эмда Исправна стансеге 159 джыл толгъанын белгиледиле. Аны аллын, Къарачай-Черкесияда Къыбла клиса округну джуаблы православ динчиси протоирей Субтельный Евгенийни башчылыгъы бла Дин къуллукъдан башладыла. Ол клисаны джамагъатына, Пятигорске бла Черкесскени архиепископу Феофилакт байрамгъа ийген алгъышлауун айтды. Клисаны джамагъатын дагъыда бу байрам бла Зеленчюк муниципал районну администрациясыны башчысыны орунбасары Вильхов Петр,Зеленчюк район къазакъ джамагъатны атаманы Федоров Владимир, Исправна элни администрациясыны башчысы Брыкина Марина алгхышладыла. Дин къуллуъдан сора стансе майданда уллу къуанч болду. Исправна стансени къазакълары ат белинде саф бла тизилиб етдюле. Андан сора конкурс комиссия, стансе учрежденияла бла организацияла хазырлагъан къазакъ хантланы татыуун кердюле. Конкурсха къошулгъанланы барына да сыйлы ечле берилдиле. Байрамны андан арысында да той-оюнла да болдула.