Быйыл ноябрь айны 16-да «Дом для мамы» деген аралыкъда «Нравственные ценности в социальном служении» деген темагъа аталыб Пятигорске бла Черкесск епархияны социал къуллукъдан джуаблы динчилерини болушчуларыны джыйылыуу болуб етдю. Ол епархиал Рожество окъууланы чегинде етгенди. Джыйылыуну ишин клиса суаблыкъ бла социал къуллукъ белюмню тамадасы протоирей Еланцев Сергий башлады, ол джыйылгъанлагъа христианлыкълы джумушакъ джюреклилигини тамырларындан хапар айтды. Джыйылыугъа социал къуллукъдан джуаблы динчилени болушчулары, милосердия сестрала эмда башха динчиле бла тюз православ джамагъат да къошулгъан эди. Быйыл Москвада октябрны 25-27 дери баргъан социал къуллукъдан съезни делегатлары андан алгъан джангы билимлеринден юлюш этдиле. Пятигорске бла Черкесск епархияны социал къуллугъуну джангны джолларындан , иппотерапиядан сангыраула бла иш бардырыудан хапарны, джыйылыугъа келгенле Иноземцево поселокда Раббийни Анасыны «Утоли моя печали» деген иконасыны сыйына аталгъан клисаны тамадасыны болушчусу иерей Тростинский Сергий бла Баварская Еленадан эштдиле. Андан сора да джыйылгъанланы аллында саулукъларында къыяулары болгъан сабийле бла джаш адамлагъа болушлукъ этген «Солнечный городок» деген аралыкъны тамадасы Земцева Екатерина, Пятигорскеде Лука шыйыхны сыйына аталгъан больница клисаны сестричествосуну тамада сестрасы Климова Галина эмда сылтаулу тиширыула бла сабийли тиширыулагъа болушлукъ этген «Дом для мамы» деген аралыкъны тамадасы Рубец Лариса да селешдиле.