Озгъан кюнледе Къабарты-Малкъарны Майский районунда тарих-краевед музейинде 2Терская казачка» деген ат бла конкурс болуб етдю. Аны Терк къазакъ аскер ъуралгъанлы 440 джыл толгъанына джораладыла. Ол байрамгъа «Бурный Терек» деген вокал-инструментал къауум, «Благовест» деген группа, Пришибская стансени къазакъ хору, «Крыниченька» деген группа эмда Котляровская бла Александровская станселени хорлары къошулгъан эдиле. Сыйлы къонакъланы арасында Майский муниципал районну башчысы Евтушенко Сергей, Эресейни махтаулу журналисти Котлярова Мария, джазыучу Опрышко Олег, тарихчи Бурда Эдуард, къазакъла байламлылыкъ джюрютген джуаблы православ динчини болушчусу иерей Арманов Николай эмда Майский шахарда Архистратиг Михаил клисаны тамадасы протоирей Волошин Димитрий бар эдиле. Къазакъ адетдеча, мероприятияны аллын дуадан башладыла. Джыйылгъанлагъа алгъыш сезню аллын Терк-Малка къазакъ округну атаманы Любуня Николай бла Майский район къазакъ джамагъатны атаманы Яценко Сергейт айтдыла.
Протоирей Волошин Димитрий, конкурсха къошулгъан беш къазакъ тиширыугъа разылыкъ айтды. Анда бек къыйын , бир тамчы джерге агъызмай суу агъач бла суу келтирген, хауа бла атхан шкокдан илишаннга тюшерге, къылыч бла кегет туурагъан, къазакъ тарих бла байламлы соруулагъа джуаб берирге эм къол ишлерин кергюзтюрге деген джумушла салынннган эдиле. Аны тышында да къазакъ къонакъбайлыкъны кергюзтюрге керек эди. Конкурсну излеми бла, ашны къуру хазырлаб къоймай, миллет хантлары бла тебсилени джасаргъа керек эдиле хар бир адам да ашаб керб татымлылыгъына багъа берирча. Джаг аурутургъа келген адамла бек уллу болушлукъ этген эдиле. Байрам бек джарыкъ етген эди. Терк къазакъланы тарихи бла адетлери бла байламлы бу джарыкъ иш хар бир адамны да келюне джетерча болду. Конкурсну эсеблерин айтхандан сора аланы хар бирине грамотала бла сыйлы саугъала бердиле.