Быйыл октябрь айны 14-де Черкесскени Покров клисасында байрам болуб етдю. Ол байрамгъа атаман Брянцев Владимирни башчылыгъы бла Баталпаша шахар къазакъ джамагъатны къазакълары къошулдула. Литургиядан сора адетдеча къачлы джюрюш болду , аны эм сейири уа анда 2-чи Хапер къазакъ полкну эртдеден бери сакъланыб келген православ дин байрагъын да чыгъаргъан эдиле.Дин сыйланы къазакъла, чекчиле эмда клисагъа таймаздан джюрюб тургъан адамла тутуб элтдиле. Православ дин джамагъатны алгъышларгъа, Республиканы Башчысы бла Правительствосуну Администрациясыны тамадасыны биринчи орунбасары Пивоварова Надежда, Черкесск шахарны башчысы Беланов Евгений эмда «Русь» деген регионал джамагъат къозгъалыуну Къарачай-Черкесияда президиумуну председатели Жедяев Евгений келген эдиле.
Клисаны тамадасы протоирей Нартов Александр бу байрамны къураргъа болушханлагъа джюрек разылыгъын билдириб, Баталпаша шахар къазакъ джамагъатны атаманы Брянцев Владимир бла республиканы Халкъ Джыйылыууну (Парламентини) председателини орунбасары Жедяев Олегге разылыкъ письмола берди. Дин къуллукъдан сора барын-туз дам бла сыйладыла.