Пятигорск шахарда Трех Святителей деген клисаны христиан дин школунда джангы окъуу джылны «Святая Родина моя» деген квест оюндан башладыла. Аны баш нюзюрю,шыйых новомучениклени, Дин къуллукъну, Сыйлы Афон Къаяны юслеринден алгъан билимлерин сынаргъа эди. Христиан дин школну сохталары, оюнда бир иннетли болургъа, бир-бирлерине болушургъа, тюз сагъыш этерге юрене эдиле. Ол башламчылыкъны баш нюзюрю- 12-17 джыл болгъанланы бирлешдириб бир адамча боургъа юретиргеди. Бу оюн къауум джерде «Форт Боярд» дегеннге ушай эди: оюннга къошулгъанлагъа борч салына эди, аны баджарыр ючюн клисаны тийресинден талай керекли затны табыб джыяргъа керек эди. Керекли затланы табыб сабийле башлагъан джерлерине къайтдыла, оюнну ахыр белюмюнде уа, оюнну кезюуюнде табылгъан инструментле бла коду болгъан киритни ачаргъа керек болдула. Бу ишни эсеби уа,хар бир православ христианлыгъа керекли Аллахны фарызлары джазылгъан билим китабны табдыла. Квест оюнну Кунцевич Екатерина къурагъанды. Ол кеси да бу христиан дин школну бошагъанды, бусагъатда Православ Свято-Троицкий университетде окъуйду.