Быйыл август айны 12-де Нарсана шахарда С.В.Рахманинов атлы сабий музыка школда къарачай миллетни Орта Азиядан сюргюнден джуртларына къайтханлы 60 джыл толгъанына атаб къуанч этдиле. Бу байрамгъа шахаргны джамагъаты бла солургъа келгенле да джыйлгъан эдиле. Къуанчны аллында шахар тамадала,политика къуллукъчула эмда динлени келечилери джыйылгъанланы алгъашладыла. Протоирей Моничев Димитрий да, Сыйлы Кавказны дин ахлу джамагъаты къарачай миллетни башха кермейди, деб чертди. «20-чы емюрде кеб адам джарсыгъанды кесигиз билгенден Клисагъа да бек къаты заман болгъанды. Алай а бизни бир тарихибизни къыйын кезюуюн, дерт къайтарыргъа къаманы къынындан чыгъармай, мындан ары акъбаш Кавказда бир сабий джыламукъ джерге акъмазча эсге тюшюребиз,-деб айтды православ
динчи. Байрамны андан арысы Курорт бульварда бардырдыла. Анда концерт программада джармалыкъ да къуралгъан эди.