Къарачай-Черкесияда ОФСИН-ни пресс-къуллугъу билдиргенден, озгъан кюнледе 1республикада адамны эркинлигини хакъындан уполномоченныйни орнун толтургъан
Кивистик Ян 1-чи номерли СИЗО-да болду. Аны биргесине ич къуллукъ белюмню тамадасы полковник Арсланов Михаил, УИС-де аламны эркинлигин сакълаугъа къарагъан
тамаданы болушчусу ич къуллукъну подполковниги Кештова Светлана эмда учрежденияны администрациясыны келечилери да бар эдиле. Ол тюбешиуге ,изоляторда тутмакълагъа талай джылны дин болушлукъ этиб тургъан Кавказский поселокда Георгий клисаны тамадасы иерей Малютин Геннадий да къошулгъан эди. Ишни аллын тутмакъла тургъан режим корпусагъа аны арасында тиширыула бла акъыл-балыкъ болмагъанла тургъан камералагъа къараудан башладыла. Тутмакъда тургъанлагъа, омбудсмен, турмуш болумларындан , медицина-санитар джанындан эмда учрежденияны администрациясына тарыгъыулары бармыды деб сорду. Адамны эркинлигини джоругъу бузулгъаны ачыкъланмады. Къарачай-Черкесияда Уполномоченныйни республикада Эресейде ОФСИН-ни тамадасы эмда учрежденияны администрациясыны келечилери бла тюбешиулеринде, СИЗО-да тутмакъланы эркинликлери бузумазын сакълау сорууланы эмда ведомствола арасында байламлылыкъ джюрютюуню сюздюле.