Быйыл июль айны 8-де Пятигорск епархияны эллери бла шахарларында юйдегини сюймеклик бла кертиликни Кюнюн белгиледиле.
Пятигорскеде байрамны аралыгъы Спасс клисаны аллы майдан болду. Майданда, шахарда эм юлгюлю юйдегилеге Бютейэресей оргкомитетни «За любовь и верность» деген майдалларын бердиле. Джыйылгъанланы Спасс клисаны клириги алгъышлады.
Андан сора, Машук Бэнд» деген оркестр, Пятигорскеде миллетлени келечилерини Юйюню солистлери, Пятигорск бла Черкесск епархияланы э миги хорлары да къошулуб уллу концерт болду. Сау кюнню Спасс клисаны аллында майданда «Город мастеров» деген ат бла кермюч-джармалыкъ барды.
Дин къуллукъ бошалгъандан сора Нарсананы Никольский клисасында, аны тамадасы протоирей Знаменский Иоанн, кеб сабий есдюрген юйдегилени алгъышлады. Кюнорта сагъат онекиде Петр бла Феврония шыйыхланы , Бюиеуэресей байрамны белгилеуге он джыл толгъаны бла байламлы клисада къонгурауланы къакъдыла. Байрамны андан арысын Нарсананы ара майданында бардырдыла.Байрамгъа аталгъан концертни аллын Православ Свято-Никольский гимназияны вокал ансамбли ачды. Джыйылгъанланы клисаны клириги протоирей Сахно Андрей алгъышлады.
Суворовка станседе байрамны 20-чы номерли школда белгиледиле. Джайгъы лагерде солугъан сабийле устазлары бла бирге концерт кергюзюб эмда Петр бла Феврония шыйыхланы джашаулары бла байламлы викторина да бардырдыла. Стансе клисаны тамадасы протоирей Иванилов Роман концерт бергенлени да бери джыйылгъанланы да алгъышлады.
Къарачай-Черкесияда Джегетей-Аягъы шахарны район культура Юйюнде байрам болуб етдю, аны юйдегини байрамына атаб «Мы нежное эхо друг друга» деген ат бла бардырдыла. Районда, юлгюлю юйдегилеги, талай джылны бирге джашаб ариу халили сабийлени есдюрген юйдегилеге сый берген ашхы адет болгъанды. Джыйылгъанлагъа алгъыш сезлени Джегей-Аягъы район администрацияны келечилери айтыб саугъала бла майдалла да бердиле. Бери келгенлени, Михайловский клисаны тамадасы протоирей Петров Александр бла району раис-имамы Къаракетланы Анзор алгъышладыла. Динлени келечилери, барына да тезюм, юйдеги джылыу, уллу сюймеклик, насыб теджедиле.
Железноводск шахарда юйдегини кюнюне аталыб къуанч концерт болуб етдю.Джыйылгъан шахарчыла бла келген къонакълагъа алгъыш сезню Покрова Пресвятой Богородица клисаны тамадасы протоирей Бондарчук Андрей айтды. «Юйдеги деген ол сюймекликни, намыслыкъны, адам насыбны школуду. Юйдеги чачылса-сюймеклик да кетеди. Сюймеклик кнтсе уа-джюрекден Масих Исса да тас болады. Нек десенг Аны джоругъу- бютеу адам улуну джашауунда сюймекликни джоругъуду»,- деб эсге салды православ динчи. Концерт биринчи кера болуб шахарны курорт аллеясында бардырылды.
Къабарты-Малкъарны Прохладный шахарында да эм юлгюлю юйдегилени сыйлау болду. Байрамгъа джыйылгъанланы Никольский клисаны клириги иерей Еремеев Андрей алгъышлады. Православ динчи, барын да артыкъ да бек бук юн саугъала алгъанланы байрам бла алгъышлады. Бир юйдеги къураб 25 джылдан аслам джашаб юлгюлю сабийлени есдюрген юйдегилеге «За любовь иверность» деген майдалланы бердиле. Байрамны андан арысын концерт программа бардырды.
Минеральные Воды шахарны Благовещенский клисасында, юйдегини, сюймеклик бла кертиликни Кюнюнде, байрам дин къуллукъ этилиб бу байрамны белгилери шыйыхлагъа акафист дуала окъуб, юйдеги насыб, сюймеклик тиледиле. Андан сора приодну байрамы башланды. Лектория-концертде джыйылгъанлагъа шыйых юйдегини джашауундан эмда юйдегини ичинде багъалы шартладан хапар айтдыла. Назмула окъулуб джырла зикирле да эштилдиле. Байрамгъа «Радонеж» деген православ клубну сабийлери да къошулдула. Талай джылны бир юйдеги къураб юлгюде айтырча юйдегилени грамотала бла саугъала бла да саугъаладыла. Концерт программа бошалгъандан сора узакъ емюрлюк тилек этилиб кърнгурауладан да къакъдыла. Андан сора байрамны андан арысында клиса тамада боа олтуруб чай иче ушакъ этиу бла бардырдыла.
Нальчик шахарны Атажукин садларында «Семейный праздник» деген акция болуб етдю, анда шахарчыланы, шахар администрацияны келечилери бла джаш телю организацияланы тамадалары байрам бла алгъышладыла. Акцияны аллында джаш телю организацияланы волонтерлары парк джолчукъла бла барыб тюбеген адамларына ромашка гокгала бере эдиле. Шахарчыланы юйдеги Кюню бла – орус, къабарты, малкъар тилледе алгъышлай эдиле. Волонтерла алагъа узакъ емюр, насыб, теджеб байрамны тарихинден хапар айта эдиле. Акцияны баш белюмю поэтлени Аллеясында бардырылды, анда музыка бла сабийле бла джаш адамла байрам конкурслагъа къошулдула. Мероприятияны, «Семейный праздник» деген акциягъа къошулгъанланы барынна да мороженныйле бердиле.