Быйыл июль айны 5-де Нарсананы Никольский клисасында, Нарсана шахар къазакъ джамагъатны атаманы, къазакъ полковник Лазебный Владимирге джаназы окъудула. Ол зауаллыгъа дуаны Пятигорске бла Черкесскени архиепископу Феофилакт этди. Джаназы дуагъа тамадалыкъны, Нарсана клиса округну приходларыны джуаблы динчиси протоирей Знаменский Иоанн этди. Анга да дин къуллукъ болушлукъну епархияны къазакъла бла байламлылыкъ джюрютген белюмюню тамадасы протоирей Фещенко Стефан бла благочинияны динчиси протоирей Лиманов Гермогег бла башха дин къуллукъчула этдиле. Асырау адетден сора кесини архипастырлыкъ сезюнде архиепископ Феофилакт былай айтды:« Бу ауушуб кетген зауаллыны эсде тутаргъа Раббийден тилейме, ол эсни джюрекде тутарча аны ол бир дуниясы джарыкъ болурча тилекое этиб турургъа керекди. Аллахдан тилейме къазакъ къарнащларыма, бу ауушуб кетген адамны унутмай, Ата джуртларына алгъан присягаларына керти болсунла. Шахарчылагъа да тилейме, хурметли Нарсана шахарыбызны айныууна , къазакъ атетлени сакъларгъа уллу юлюш къошуб кетген уланларыбызгъа дуала окъугъуз. Елюм деген ол тереди, ол къуру ауушхан адамны аллында болуб къалмай сау адамланы аллында да сиреледи. Елюмню эшиклерини юсю бла биз штхлукъ да тутабыз не да ол шохлукъну юзебиз. Елюм аушшханла бла къалмай сауланы да сынайды. Мен барынга да, керти христианлыча къазакъча бу зауаллыны эсде тута ол сынаудан етерге чакъырыу этеме. Къазакъ къарнашларыб зауаллы атаманы юйдегисин аны юй бийчеси Ольга Павловланы эмда джуукъларын болушлукъсуз къоймазла деб ышанама, Мен алай боллугъуна ишексизме, нек дегенде атаман бир заманда къазакъ къарнашларына аланы джуукъларына болушуб тургъанды. Энди бизни кезюуюбюз джетди, бу ауушуб кетгеннге аяыкъ джюрекден тилекле этерге саула ючюн ашхы ишле этерге Аллах сен къарыу бер». Лазебный Владимир Михвйловични Революция орамда къабырлада асырагъандыла.
***
Быйыл июль айны 3-де къыйын ауруудан 65 джылында Нарсана шахар къазакъ джамагъатны атаманы Лазебный Владимир Михайлович бу дуниясын ауушдуруб керти дуниягъа кетди. Владимир Михайлович Парсанада къазакъ юйдегиде 1953-чю джыл январны 22-де туугъанды. Аны ата-бабалары бары да Ставрополь крайны Предгор районуну Боргъстан стансесиндендиле. Ол Крещенияны Нарсананы Пантелеймон клисасында алгъанды. Хауа десант аскерде къуллукъ этгенди. 1993-чю джыл Владимир Михайлович Лазебный Кисловодский станседе къазакъ джамагъат къурагъанды. 2008-чи джыл Нарсана Шахар Къазакъ джамагъатха башчылыкъ этгенди. Владимир Михайлович 18 джылны ичинде таймаздан атаманлыкъ этиб тургъанды. Терк аскерни къазакълары кеслерини атаманларыны сыйын бек кергендиле, къазакъ полковниклерин ё Терк къазакъ аскерни Уллу джыйылыууна есаулчу этиб сайлагъан эдиле. Владимир Михайлович Лазебныйни талай саугъасы болгъанды аланы арасында Ставрополь крайны юч дараджалы орденлери эмда М.П. Ермоловну майдалы да барды.