Быйыл июнь айны 27-де Пятигорске бла Черкесскени архиепископу Феофилакт, Эергетик поселокда Преображен клисада Дин къуллукъ бардырды. Архиерейге дин къуллукъ болушлукъну Пятигорск клиса округну приходларыны джуаблы динчиси протоирей Дубинский Борисклисаны тамадасы протоирей Шевченко Максим эмда диакон Ендовицкий Сергий этдиле. Сыйлы Инджилден окъугъандан сора Архипастырь джыйылгъанлагъа ауаз ерди. Ектения дуадан сора Владыка Украина бла Кюнчыгъышда къазауатла тохтасынла деб тилек этди. Андан сора архиепископ Феофилакт поселокда къурулушу бара тургъан клисагъа къарады. Ол кюн огъунакъ архиепископ Феофилакт, Винсады элде Архистратиг Божий Михаил шыйыхны сыйына аталыб ишленник клисаны тюб ташын салды. Архипастыргъа, Лермонтов клиса округну джуаблы динчиси протоирей Фаустов Константинни башчылыгъы бла динчиле да болушлукъ этдиле. Владыка бла бирге грамотасы бла капсуланы бу клисагъа джюрюрюк сабийле салдыла. Аны ызы бла архиепископ Феофилакт ары келгенлеге сезюн айтды. Шабат укюнню кечесинде Архиерей, Пятигорскени Спасс клисасында этилген кечеги дин къуллукъгъа башчылыкъ этди. Архиепископ Феофилактха дин къуллукъ болушлукъну, клисаны клириклери этдиле, православ зикирлени да Куба Анна башчылыкъ этген клисаны хору джырлады. Владыка Инджилни окъуб, православ дин ахлулагъа нюрлю елей джауну джакъды.