Быйыл июнь айны 22-ден 23-не дери Успен Жировичский ставропигиал эркиши монастырда «Преподобный Федор Студит – игумен общежительного монастыря», деген ат бла конференция болуб етдю. Бу конференцияны монастырла бла монахлыкъны ишлеринден Белорусины Экзархаты бла Успен Жировичский ставропигиал эркиши монастыр къурагъандыла. Конференцияны ишине бютеу Беларусияны Патриархлы Экзархы, Минске бла Заславскени митрополити Павел башчылыкъ этди. Президиумну къурамына да, Слонимский бла Новогрудскени архиепископу Гурий, Белорус Православ Клисаны монастырла бла монахлыкъны хакъындан Синод белюмню председатели Лидске бла Сморгонскени епископу Порфирий, Минск Экзархияны ишлеринни управляющийи архимандрит (Брич) Сергий, архимендрит Алексий, Сыйлы Къая Афонда монастырны игумени Ксенофонт кирген эдиле. Ол джыйылыугъа игуменле бла игуменияла эмда белорусда монастырлада монахлыкъ этгенле да къошулгъан эдиле. Конференциягъа Орус Православ Клисаны атындан, монастырла бла монахлыкъны хакъындан Синод белюмню юсю бла Пятигорск епархияда Свято-Георгий тиширыу монастырны игумениясы (Шурыгина) Варвара бла Акатово элде Тоицко Александро-Невский ставропигиал тиширыу монастырны тамадасы игумения (Минина) Антонина баргъан эдиле. Келгенлеге хошкелдилик сезню бютеу Белорусияны Экзархы, Минске бла Заславскени митрополити Павел айтды. Пленар кенгешде конференцияны темасы бла 4 доклад этилген эди. Ишни заманында бюгюнлюкде монастыр джашауну юсю бла магъаналы сорууланы сюзген эдиле. Белорусияны Экзархатыны монастырла бла монахлыкъны хакъындан Синод белюмню къуллукъчулары, джыйылуну кезюуюнде игуменле бла игуменияланы монахланы джыйылуларыны конфкеренциясыны къауум соруулар юсюнден оюмларын билирге излеб ташатын соруу этиб чыкъгъандыла. Анкетада, оюмла бла теджеуле, конференцияда темаланы эмда докладчыланы атларын сайларгъа мадарла дегенча соруулагъа джуаб джазаргъа керек эди.