2026 гъэм щэкӏуэгъуэм и 20-м Къегъэлакӏуэ Христос И кафедральнэ члисэ Зэхуэхьэсауэ Москва щыӏэм Москварэ урысей псомрэ я Патриарх Лъапӏэ Кирилл Щӏыпӏэ Чристэн Члисэхэм я Унафэщӏхэмрэ лӏыкӏуэхэмрэ я гъусэу, Урыс Чристэн Члисэм и архиерейхэмрэ дин лэжьакӏуэхэмрэ я гупым Тхьэлъэӏу литургие щригъэкӏуэкӏащ. А махуэм Урыс Чристэн Члисэм и Унафэщӏыр илъэс 80 ирикъуащ.
Литургием щӏидзэн и пэ къихуэу дин-лэжьакӏуэхэмрэ фӏэщхъуныгъэ зиӏэхэмрэ гъуэрыгъуэурэ Мэсихь И Члисэм къэкӏуа Къегъэлакӏуэм ӏущӏащ Щӏыпӏэ Чристэн Члисэхэм я Унафэщӏхэр.
Стилобатым Къегъэлакӏуэ Христос И Цӏэр зезыхьэ Члисэм и къухьэпӏэ куэбжэм деж Урыс Чристэн Члисэм и Унафэщӏым щехъуэхъуащ Москварэ Урыс Чристэн Члисэм и епархиехэмрэ щыщ чристэн щӏалэгъуалэри, «Патриаршэ волонтёрхэр»щӏалэгъуалэ зэщӏэхъееныгъэм хэтхэри.
Гуфӏэгъуэ зэӏущӏэм иужькӏэ Патриарх Лъапӏэ Кирилл щхьэщэ хуищӏащ москва и митрополит Щихъ Филарет и хьэдэкъупщхьэ пэжхэмрэ Тхьэм и Анэм и Владимирскэ тхьэнапэ телъыджэмрэ.
Тхьэлъэӏум пашэ щыхъуащ: Антиохийскрэ Къуэкӏыпӏэ псомрэ я Патриарх Нэхъ Насыпыфӏэ Дыдэ Иоанн Х; Ерусалимрэ Палестинэ псомрэ я уэр Лъапӏэм и Патриарх Нэхъ Тхъэгъуэ Дыдэ Феофил III; Москварэ Урысей псомрэ я Патриарх Лъапӏэ Кирилл; Сербием и Патриарх Лъапӏэ Порфирий; Чех щӏыналъэхэмрэ Словакиемрэ я Митрополит Нэхъ Насыпыфӏэ Дыдэ Ростислав.
Унафэщӏхэм ядэлэжьащ:
Щӏыпӏэ Чристэн Члисэхэм я архиерейхэр:
Москва Патриархатым и архиерейхэр • Архипастырхэм я гупым Абы и Нэхъ Лъапӏэм къулыкъу щищӏащ Пятигорскрэ Черкесскрэ я архиепископ Феофилакт.
Тхьэлъэӏуми хэтащ:
• Щӏыпӏэ Чристэн Члисэхэм я дин лэжьакӏуэхэр, Москва Патриархатым и дин лэжьакӏуэхэр, Тыркуменистаным Щыӏэ Урыс Чристэн Члисэм и екӏуэлӏапӏэхэм я Патриаршэ благочинием и лӏыкӏуэхэри яхэту.
• Апхуэдэу тхьэлъэӏум хэтащ къэрал властым и органхэм, политикэ партхэм, жылагъуэ зэгухьэныгъэхэм, бизнес-зэгухьэныгъэм я лӏыкӏуэхэр, игуменхэр, игумениехэр, къулъшырыфхэм щыпсэухэр, синод ӏуэхущӏапӏэхэм я унафэщӏхэмрэ лэжьакӏуэхэмрэ, чристэн щӏалэгъуалэ зэгухьэныгъэхэм я лӏыкӏуэхэр, фӏэщхъуныгъэ зиӏэ куэд.
Ектение дыдэм Хагъэхьащ Урыс Члисэм и Унафэщӏым и узыншагъэм теухуа лъэӏу хэхахэр.
Крутицкэмрэ Коломенскрэ я Митрополит Павел къеджащ иджы Ягъэлъапӏэ Патриарх Лъапӏэ Кирилл теухуа тхьэлъэӏум.
Причастием и пэ къихуэу уазыр жиӏащ Смоленскрэ Дорогобужскрэ я митрополит Исидор.
Литургиер щиухым Патриарх Лъапӏэм илъэс куэд зэрырикъур жраӏащ.
Антиохие Инымрэ Къуэкӏыпӏэ псомрэ я Патриарх Нэхъ Насыпыфӏэ Дыдэ Иоанн X зэрехъуэхъур Хэӏущӏыӏу ищӏащ Антиохие Чристэн Члисэм и лӏыкӏуэ Филиппополь и митрополит Нифон. Абы и Нэхъ Лъапӏэм тыгъэ хуищӏащ Патриарх Нэхъ Тхъэгъуэ Дыдэ Иоанн Х Антиохие Члисэм и щоджэнцӏыкӏущӏэхэм я тхьэнапэр.
Воскресенскэ Митрополит Григорий Урыс Чристэн Члисэм и Синод Лъапӏэм хэтхэм я цӏэкӏэ хъуэхъу хэщӏапӏэм къеджэри, Къегъэлакӏуэ Христос и тхьэнапэмрэ розэ ӏэрамэмрэ Унафэщӏым тыгъэ хуищӏащ.
УФ-м и Президентым и Администрацэм и унафэщӏым и япэ къуэдзэ Кириенкэ С.
УФ-м и Правительствэм и унафэщӏ Мишустин М.
Патриарх лъапӏэ Кирилл тхьэлъэӏум хэтхэм псалъэкӏэ захуигъэзащ.
Тхьэлъэӏу нэужьым архиепископ Феофилакт Урыс Члисэм и Унафэщӏым гуапэу ехъуэхъуащ Кавказ Угъурлымрэ Тыркуменистан дыгъэпсымрэ я хъушэхэм къабгъэдэкӏыу илъэс 80 зэрырикъумкӏэ.
Москварэ урысей псомрэ я Патриархым и пресс-ӏуэхущӏапӏэм и тхыгъэхэмкӏэ.