Къэрэшей-Шэрджэсым и Парламентым щытепсэлъыхьащ экстремизмэр къэмыгъэхъуным, лъэпкъ зэгурыӏуэныгъэр гъэбыдэным ехьэлӏа ӏуэхухэм

21.11.2026
Просмотры: 6

Черкесск къалэм И Никольскэ члисэ зэхуэхьэсам и щоджэн иерей Гурин Александр Хэтащ Къэрэшей-Шэрджэс Республикэм И Цӏыхубэ Зэхуэсым (Парламентым) лъэпкъ политикэмкӏэ И Комитетым и зэӏущӏэ зыубгъуам. Зэӏущӏэр иригъэкӏуэкӏащ лъэпкъ политикэмкӏэ Комитетым и унафэщӏ Темрезов Науруз.
Хэтахэр тепсэлъыхьащ экстремизмэмрэ терроризмэмрэ я идеологием пэщӏэтыным, лъэпкъ, дин зэгурыӏуэныгъэхэр гъэбыдэным ехьэлӏа ӏуэхухэм.
Зэӏущӏэр здекӏуэкӏым ди адэ Александр тепсэлъыхьащ къэрэшей-Шэрджэсым и чристэн дин лэжьакӏуэхэм экстремист къэхъукъащӏэхэр къэмыгъэхъунымкӏэ, псэкупсэ-щэнгъасэ гъэсэныгъэмкӏэ, лъэпкъ, дин зэхуэмыдэхэм щыщхэм щӏалэгъуалэм пщӏэ яхуэщӏынымкӏэ системнэу зэрылажьэм.
Мы лэжьыгъэм гулъытэ хэха щыхуащӏ щӏалэгъуалэм ядэлэжьэным. Щоджэнми узэщӏыныгъэ лэжьыгъэм и зэфӏэкӏымкӏэ ядэгуэшащ Черкесск къалэм И Никольскэ члисэ зэхуэхьэсам и щӏыналъэм щылажьэ «члисэмрэ къэзакъхэмрэ я Тхыдэхэр» музеймрэ «Николин уголок» социальнэ пунктымрэ екӏуалӏэ еджакӏуэхэмрэ студентхэмрэ.

6
Фотогалерея