Спасскэ члисэ зэхуэхьэсам и клирикыр Хэтащ москва щоджэн ныбжьыщӏэхэм Папщӏэ Тхьэмахуэм

20.11.2026
Просмотры: 9

Щэкӏуэгъуэм и 8-м къыщыщӏэдзауэ и 14 пщӏондэ москва тхьэмахуэ щекӏуэкӏащ щоджэн ныбжьыщӏэхэм папщӏэ. Архиепископ Феофилакт и нэфӏ къыщыхуауэ Абы хэтащ Спасскэ члисэ зэхуэхьэсам и клирик иерей Копач Пётр.
Зэӏущӏэм хэтащ урысейм и щӏыналъэ зэхуэмыдэхэмрэ хамэ къэрал гъунэгъухэмрэ къикӏа дин лэжьакӏуэхэр. Дерсхэр щекӏуэкӏащ «Фавор» щэнхабзэ центрымрэ Чристэн Свято-Тихоновскэ гуманитар университетымрэ.
Программэр пастыр къулыкъум и лъэныкъуэ зэмылӏэужьыгъуэхэм теухуат. Хэтахэр тепсэлъыхьащ дин-лэжьакӏуэмрэ псэкупсэ унафэщӏхэмрэ, щоджэным и унагъуэ, псэкупсэ гъащӏэм ехьэлӏа ӏуэхухэм, пастыр гъуэгум и ӏыхьэ нэхъыщхьэхэм.
Дин лэжьакӏуэхэм епсэлъащ Верей щихънагъ Пантелеимон (Шатов), Егорьевскэ щихънагъ Мефодий (Зинковский), Солнечногорскэ щихънагъ Алексий (Поликарпов), протоиерейхэу Емельянов Николайрэ Воробьев Владимиррэ, щоджэнхэу Бородин Фёдоррэ Ермилов Павелрэ.
Программэм ипкъ иткӏэ хэтахэр Щыӏащ Маросейкэ Дэт Кленникхэм щыӏэ Щихъ Николай и члисэм, щихъ щыпкъэ Мечев Алексийрэ абы и къуэ щоджэнцӏыкӏу Мечев Сергийрэ къулыкъу щащӏам. Члисэм зыплъыхьакӏуэ кӏуащ протоиерей Чернышев Николай.
Дин лэжьакӏуэхэри Данил къулъшырыфым щыӏащ икӏи урыс Члисэм тхьэм папщӏэ бэлыхь куэд зрагъэшэчахэмрэ гуэныхьхэр зыӏуэтэжахэмрэ ятеухуа гъэлъэгъуэныгъэу ПСТГУ-м щыӏэм зыщагъэгъуэзащ.
Тхьэмахуэм и кӏэух махуэхэр Щекӏуэкӏащ Ланьшин дэт скитым — афон псэупӏэм и щапхъэм тету яухуа Данилов къулъшырыфым и пщӏантӏэм. Мыбдежым хэтхэр Тхьэ щелъэӏуащ Афон уставым тету ирагъэкӏуэкӏ тхьэлъэӏухэм папщӏэ, игумен Феогнострэ (Ткачев) щоджэн Батаногов Алексейрэ епсэлъащ, пастыр къулыкъум и зэфӏэкӏкӏи зэдэгуэшащ.

9
Фотогалерея