Патриарх Лъапӏэ Кирилл Илъэс 80 щрикъум ирихьэлӏэу дерс-презентацэ Налшык щекӏуэкӏащ

19.11.2026
Просмотры: 5

Налшык къалэм и апостол пэлъытэ мироносицэ Магдалинэ Марие И члисэ зэхуэхьэсам и библиотекэм щекӏуэкӏащ Москварэ урысей псомрэ я Патриарх Лъапӏэ Кирилл илъэс 80 зэрырикъунум теухуа дерс-презентацэ. Урыс Чристэн Члисэм и Унафэщӏым и юбилейр щэкӏуэгъуэм и 20-м ягъэлъэпӏэнущ.
Налшык члисэ округым и благочиннэ протоиерей Бобылев Валентин КЪБР-м чристэн щӏалэгъуалэм я «Мир все» Центрым и жыджэракӏуэхэм яхутепсэлъыхьащ Патриарх Лъапӏэ Кирилл и гъащӏэ гъуэгумрэ и лэжьыгъэхэмрэ.
Ди адэ Валентин гулъытэ хэха хуищӏащ Урыс Чристэн Члисэм и Унафэщӏыр Къэбэрдей-Балъкъэрым 2016 гъэм зэрыкӏуам, Абы щыгъуэ Патриарх Лъапӏэм апостол пэлъытэ мироносицэ Лъапӏэ Магдалинэ Марие И члисэр Налшык Ину щигъэлъэпӏащ.
Зэӏущӏэм хэтахэми утыку кърахьащ Москварэ урысей псомрэ я Патриарх Лъапӏэ Кирилл мамырыгъэмрэ зэгурыӏуэныгъэмрэ гъэбыдэным хуищӏа хэлъхьэныгъэм, Къэбэрдей-Балъкъэр Республикэм псэкупсэ зыужьыныгъэм теухуа презентацэрэ докладрэ.

5
Фотогалерея