Зеленчукскэ районым и администрацэм и ӏэтащхьэм и къуэдзэ Дневалов Михаил и унафэм щӏэту екӏуэкӏащ балигъ мыхъуахэм я ӏуэхухэмрэ абыхэм я хуитыныгъэхэр хъумэнымкӏэ Комиссэм и зи чэзу зэӏущӏэр.
Комиссэм и лэжьыгъэм хэтащ Къэрэшей-Шэрджэс члисэ округым и благочиннэ иерей Якушев Александр. Апхуэдэу зэӏущӏэм хэтащ хабзэхъумэ ӏэнатӏэхэм я лэжьакӏуэхэр, структурнэ къудамэхэмрэ егъэджэныгъэ ӏуэхущӏапӏэхэмрэ я унафэщӏхэр, балигъ мыхъуахэм хабзэкӏэ я лӏыкӏуэхэр.
Комиссэм хэтхэр хэплъащ урысей Федерацэм административнэ хабзэхэр къызэпызыудхэмкӏэ и Кодексым и 5.35-нэ, 19.16-нэ статьяхэм къыщыгъэлъэгъуа административнэ хабзэхэр къызэрызэпаудам теухуа тхыгъэхэм. Ахэр теухуат балигъ мыхъуахэр зехьэнымрэ гъэсэнымкӏэ адэ-анэхэм е нэгъуэщӏ хабзэкӏэ лӏыкӏуэхэм я къалэнхэр зэрамыгъэзащӏэм, цӏыхур зыхуэдэр щыхьэт техъуэ дэфтэрыр ящӏэу зэрызэӏыхьам е емыгугъуныгъэкӏэ зэрафӏэкӏуэдам.
Къищынэмыщӏауэ, «административнэ хабзэхэр Къызэпызыудхэм Я Ӏуэхукӏэ»Къэрэшей-Шэрджэс Республикэм 2005 гъэм мэлыжьыхьым и 11-м къыдигъэкӏа Закон № 40-РЗ-м и 11.1-11-нэ статьям къытращӏыкӏа тхыгъэхэм хэплъащ.
Къагъэлъэгъуа тхыгъэхэм зэрыхэплъам кърикӏуахэм япкъ иткӏэ комиссэм зыхуэфащэ унафэхэр къищтащ: хъыбарегъащӏэхэр къащтащ икӏи административнэ къуэдыхэр тралъхьащ.