КЪБР-м чристэн щӏалэгъуалэм я «Мир все» Центрым и жыджэракӏуэхэр ХЭТАЩ XXXV дунейпсо Хъуромэ егъэджэныгъэ къеджэныгъэхэм я епархие ӏыхьэм и щӏалэгъуалэ секцэм и лэжьыгъэм.
«Цӏыхум теухуа Чристэн гъэсэныгъэмрэ иджырей технологиехэм я джэлэсхэмрэ» темэм теухуа щӏалэгъуалэ стӏол хъурейм и зэӏущӏэ Кисловодск къалэм Телъыджэ Къэзыгъэхъу Николай и члисэм и музейм щекӏуэкӏащ.
Пятигорск епархием и благочиниехэм я лӏыкӏуэхэр къэпсэлъащ цӏыхур зэрызэдэлажьэм, иджырей технологиехэм я лъэныкъуэ зэмылӏэужьыгъуэхэм теухуа докладхэр.
Налшык члисэ округым и лӏыкӏуэхэм я докладыр теухуат интеллект ӏэрыщӏ технологиехэр къызэрагъэсэбэпым, ахэр егъэджэныгъэ системэм халъхьэ зэхъуэкӏыныгъэхэм зэрыхэлӏыфӏыхьым епха ӏуэхугъуэхэм.
Стӏол хъурейм и лэжьыгъэм кърикӏуахэр щызэхилъхьэжым, епархием щӏалэгъуалэм ядэлэжьэнымкӏэ и къудамэм и унафэщӏ иерей Вдовин Владимир къыхигъэщхьэхукӏащ щӏалэгъуалэм нобэ мыхьэнэшхуэ зэраӏэр иджырей технологиехэм я зэфӏэкӏхэмрэ тыншыгъуэмрэ, цӏыхум и псэкупсэ-щэнгъасэ лъабжьэхэр хъумэным я зэхуаку дэлъ зэпӏэзэрытыныгъэр къагъуэтыным.