Урысей МВД-м СКФО-мкӏэ и ГУ-м и сайтым хъыбар къызэрыдигъащӏэмкӏэ, 2026 гъэм щэкӏуэгъуэм и 9-м управленэ Нэхъыщхьэм и щӏыналъэм щекӏуэкӏащ зи къалэн зыгъэзащӏэу хэкӏуэда лэжьакӏуэхэм я фэеплъ зэхыхьэ. А махуэм мемориалым деж щызэхуэсащ ӏуэхущӏапӏэм и унафэщӏхэр, хэкӏуэда лэжьакӏуэхэм я унагъуэхэм щыщхэр, къэрал кӏуэцӏ ӏуэхухэмкӏэ органхэм я ветеранхэр, Жылагъуэ советым и лӏыкӏуэхэр.
Зэхыхьэр къызэӏуихащ Урысей МВД-м СКФО-мкӏэ и ГУ-м и унафэщӏ полицэм и генерал-полковник Бачурин Сергей.
Кк-м къекӏуэлӏахэми зыхуагъэзащ Пятигорскрэ Черкесскрэ я Архиепископ Феофилакт, СКФО-м къэрал кӏуэцӏ ӏуэхухэмкӏэ и органхэм я ветеранхэм я Зэзыгъэуӏу советым и унафэщӏ Гречко Владимир. Абыхэм я къэпсэлъэныгъэхэм къыщыхагъэщащ фэеплъ плитэхэм къыхэӏущӏыкӏа дэтхэнэ унэцӏэми езым и шынагъуэншагъэр мыхъуу, щӏыхуэм и телъхьэу зэман нэхъыщхьэм къыхэзыха цӏыхум и къекӏуэкӏыкӏар и щӏыбагъ къызэрыдэтыр.
Къэпсэлъэныгъэхэм яужькӏэ къызэхуэсахэм хэкӏуэдахэм я фэеплъыр метрономым и макъым щӏэту дакъикъэкӏэ щыму ягъэлъэпӏащ. Итӏанэ удз гъэгъахэр тралъхьэн щӏадзащ. Япэу мемориалым бгъэдыхьащ Главкым и унафэщӏхэр, абыхэм я ужьым иту - хэкӏуэдахэм я унагъуэхэм щыщхэр, ветеранхэр, лажьэ лэжьакӏуэхэр. Плитэхэм я лъабжьэм къекӏуэлӏахэм къэрмэфибл плъыжьхэр тралъхьащ.
Управленэ Нэхъыщхьэм щыхэкӏуэда лэжьакӏуэхэм я фэеплъыр щахъумэр ӏуэхущӏапӏэм и музей гъэлъэгъуэныгъэмрэ архив дэфтэрхэмрэ я закъуэкъым - ар щопсэу я ӏуэхум пызыщэхэм я махуэ къэс ирагъэкӏуэкӏ лэжьыгъэмрэ ӏыхьлы дыдэхэр зыфӏэкӏуэдахэм гулъытэ яхуэщӏынымрэ. Икӏи мемориалым деж илъэс къэс цӏыху зэхуэмыдэхэр - унафэщӏхэр, ветеранхэр, унагъуэхэр, полицей ныбжьыщӏэхэр - зэрыщызэхуэсым къегъэлъагъуэ а фэеплъыр фэрыщӏыгъэу зэрыщымытыр, атӏэ ӏуэхущӏапӏэм и тхыдэ зэхэтым и зы ӏыхьэу адэкӏэ яхъумэр, зэӏэпахыр.
Урысей МВД-М СКФО-мкӏэ И ГУ-м и сайтым и тхыгъэхэмкӏэ