Лермонтовскэ щӏыналъэ унэтӏыныгъэ куэду зэхэт колледжым щекӏуэкӏащ цӏыхубэ зэкъуэтыныгъэм и Махуэм теухуа интерактив дерс. Зэхыхьэр иригъэкӏуэкӏащ Лермонтовскэ члисэ округым щӏалэгъуалэ лэжьыгъэмкӏэ и благочиннэм и дэӏэпыкъуэгъу Асташовэ Алёнэ.
Зэӏущӏэм и япэ ӏыхьэм студентхэр щеплъащ Зэман Зэхэзэрыхьам къэхъуахэм, цӏыхубэ дзэ пакӏэм, тхыдэ лэжьакӏуэ цӏэрыӏуэхэм, урыс Чристэн Члисэм цӏыхубэр зэкъуэгъэувэнымкӏэ иӏэ мыхьэнэм теухуа видеоматериалым.
Итӏанэ хэтхэм зрагъэгъуэта щӏэныгъэр тхыдэ квиз жыпхъэм иту ягъэбыдащ. Студентхэм упщӏэхэм жэуап иратащ, къэхъукъащӏэхэм тепсэлъыхьащ, жэуап тэмэмхэри зэгъусэу къагъуэтащ.
Нобэ цӏыхубэ зэкъуэтыныгъэм къикӏым теухуа уэршэркӏэ зэӏущӏэр иухащ. Хэтахэр егупсысырт щхьэзакъуэ жэуаплыныгъэм, пщӏэ зэхуэщӏыным, дэтхэнэ цӏыхури жылагъуэм зэгурыӏуэныгъэмрэ зэкъуэтыныгъэмрэ сэбэп зэрыхуэхъуфынум.
Зэӏущӏэм студентхэм ягу къигъэкӏыжащ Урысейм и къарур лъэпкъым и зэкъуэтыныгъэм, псэкупсэ лъапӏэныгъэхэм хуэпэжыным, гъэунэхуныгъэхэр зэгъусэу къызэранэкӏыну зэрыхьэзырым зэрыхэтыр.