2026 гъэм щэкӏуэгъуэм и 2-м ӏимам Абу Хьэнифэ и цӏэр зезыхьэ Кавказ Ищхъэрэ ислъам университетым щекӏуэкӏащ следственнэхэм, суд зытращӏыхьахэм, тутнакъэщым къикӏыжа цӏыхухэм ядэлэжьэным теухуа ӏэнэ хъурей.
Зэӏущӏэм хэтащ Урысейм И УФСИН-м И унафэщӏым Къэбэрдей-Балъкъэр Республикэм щиӏэ къуэдзэ Никитин Николай, КЪБР-м ис муслъымэнхэм я Дин ӏуэхущӏапӏэм и лӏыкӏуэхэу тутнакъхэр псэкӏэ гъэшхэным елэжьхэр, апхуэдэуи сизо № 1-м и унафэщӏым фӏэщхъуныгъэ зиӏэхэм ядэлэжьэнымкӏэ и дэӏэпыкъуэгъу иерей Тамбий Роман.
Хэтахэр тепсэлъыхьащ тутнакъэщым исхэм псэкӏэ защӏэгъэкъуэным, тутнакъэщым къикӏыжахэм ядэӏэпыкъуным ехьэлӏа ӏуэхухэм.
Зэӏущӏэр щиухым лъэпкъ зэкъуэтыныгъэм и Махуэм хуэгъэпса дин зэхуаку зэпсэлъэныгъэм и Тхьэмахуэм кърикӏуахэр зэхалъхьэжащ. Тхьэмахуэм хиубыдэу ирагъэкӏуэкӏа викторинэхэм щытекӏуахэм фэеплъ саугъэтхэр иратыну мурад ящӏащ.