Кисловодск къэрал унэтӏыныгъэ куэду зэхэт техникумым щекӏуэкӏащ Урысейм ис лъэпкъхэм я зэкъуэтыныгъэм, лъэпкъ зэгурыӏуэныгъэм, жылагъуэ шынагъуэншагъэм теухуа зэӏущӏэ.
Зэӏущӏэм хэтащ Кисловодск администрацэм жылагъуэ шынагъуэншагъэмкӏэ, къызэрымыкӏуэ щытыкӏэхэмрэ граждан зыхъумэжыныгъэмкӏэ и управленэм и унафэщӏ Грачев Сергей, Кисловодск и члисэ мэжджытым и ӏимам Бердиев Мурат, Никольскэ члисэ зэхуэхьэсам и клирик протоиерей Чеканов Димитрий, прокуратурэмрэ полицэмрэ я лӏыкӏуэхэр.
Студентхэр, егъэджакӏуэхэр, хьэщӏэхэр тепсэлъыхьащ хабзэншагъэхэр къэмыгъэхъуным, хабзэ щӏэныгъэм, жылагъуэ шынагъуэншагъэм. Псалъэмакъым хэтхэм гулъытэ хэха хуащӏащ дэтхэнэ цӏыхуми пщӏэ зэхуащӏыным, хабзэ лъапӏэныгъэхэр яхъумэным, я щхьэ жэуаплыныгъэм.
Властым и органхэм, хабзэхъумэ ӏэнатӏэхэм, дин лэжьакӏуэхэм я лӏыкӏуэхэм студентхэм я упщӏэхэм жэуап иратащ икӏи я зэфӏэкӏымкӏэ зэдэгуэшащ.
Протоиерей Чеканов Димитрий ягу къигъэкӏыжащ урысейм щыпсэу лъэпкъхэр лӏэщӏыгъуэкӏэрэ гъунэгъуу зэрыпсэуар, гъэунэхуныгъэ хьэлъэхэм Я илъэсхэм Хэкур зэгъусэу зэрахъумар. Лъэпкъ, дин зэхуэмыдэхэм ит цӏыхухэр зэкъуагъэувэ цӏыхугъэ лъапӏэныгъэ зэхуэдэхэм: нэхъыжьхэм пщӏэ яхуэщӏыным, унагъуэ быдэм, гущӏэгъум, захуагъэм. А лъапӏэныгъэхэр сэбэп мэхъу жылагъуэм мамырыгъэрэ зэгурыӏуэныгъэрэ щыхъумэнымкӏэ.