Сторожевой станицэм и Никольскэ члисэм станицэм и къэзакъ зэгухьэныгъэм хэт цӏыхуищым тхьэрыӏуэ щащӏащ.
Абыхэм ящыщщ къэзакъ щӏалэгъуалэм я «Надежинский» дзэ-хэкупсэ клубым и гъэсэнхэр. Ар къэзакъ зэгухьэныгъэм зэрыхыхьар щапхъэ хуэхъуащ щӏэблэхэр зэрызэкӏэлъыкӏуэм, къэзакъ хабзэхэр зэрахъумэм.
Дауэдапщэр Никольскэ члисэм и унафэщӏ иерей Кравченкэ Андрей и нэфӏ къыщыхуауэ екӏуэкӏащ. Щоджэным къэзакъхэм псалъэ гуапэрэ тхьэлъэӏукӏэ захуигъэзащ.
Сторожевой станицэм и къэзакъ зэгухьэныгъэм и атаман Курков Николай тхьэрыӏуэм къеджащ. Къэзакъыщӏэхэм тхьэ яӏуащ Хэкум хуэпэжыну, Псыжьрэ Урысеймрэ яхъумэну, къэзакъ хабзэхэр ягъэзэщӏэну, я ныбжьэгъухэм зыщӏагъэкъуэну.
И кӏэм къэзакъхэм захуигъэзащ лӏыжьхэм я советым и унафэщӏ Резников Александр. Абы къыхигъэщхьэхукӏащ хабзэхэр хъумэным, нэхъыжьхэм пщӏэ яхуэщӏыным, къэзакъ уставыр гъэзэщӏэным мыхьэнэшхуэ зэриӏэр.