2026 гъэм жэпуэгъуэм и 20-м Андроповскэ муниципальнэ округым хыхьэ Курсавкэ къуажэм щекӏуэкӏащ къэзакъ зэгухьэныгъэхэм я дин лэжьакӏуэхэм я дзэпсо конференц. Пятигорскрэ Черкесскрэ я Архиепископ Феофилакт и нэфӏ къыщыхуауэ конференцым Хэтащ Пятигорск епархием и къэзакъ дин лэжьакӏуэхэр. Форумым и лэжьыгъэр Тхьэлъэӏу литургием япэ иригъэщащ. Тхьэлъэӏур щиухым щоджэнхэм тхьэлъэӏу ирагъэкӏуэкӏащ ӏуэхуфӏым и пэщӏэдзэм. Жорзехьэу конференцым хэтхэр къуэшыкхъэм кӏуащ, къэзакъ зауэлӏ хэкӏуэдахэм ятеухуа хьэдэӏус щащӏащ.
Конференцым хэтащ атаманхэр, ТВКО-м и къэзакъхэр, дзэм къулыкъу щызыщӏэхэр, щӏалэгъуалэ зэгухьэныгъэхэм, СВО-м, МЧС-м я лӏыкӏуэхэр, щэнхабзэмрэ егъэджэныгъэмкӏэ ӏуэхущӏапӏэхэм я лэжьакӏуэхэр. Щэнхабзэмкӏэ Унэм и пэшышхуэм щекӏуэкӏа пленар зэӏущӏэм Пятигорск епархием къэзакъ щӏалэгъуалэм зэрыщыдэлажьэм теухуа доклад щищӏащ епархием и къудамэм и унафэщӏ протоиерей Фещенкэ Стефан.
Зэӏущӏэр щиухым Пятигорск епархием и клирикхэр: протоиерей Великородный Павел, иерей Марков Андрей, иерей Горшков Герман сымэ къыхуагъэфэщащ «къэзакъхэм зегъэужьынымкӏэ Зэрызэдэлажьэм папщӏэ»медалхэр.