Прохладнэ къалэм и Покров члисэм тхьэмахуэ школым и гъэсэнхэр екӏуэлӏапӏэм кӏуэхэм ехъуэхъуащ тахътэ махуэшхуэмкӏэ. Егъэджакӏуэхэм я гъусэу сабийхэм махуэшхуэ зыкъэгъэлъэгъуэныгъэ ягъэхьэзыращ. Театр гъэлъэгъуэныгъэм ахэр щытепсэлъыхьащ Псыхуабэ и тепхъуэм и тхыдэмрэ гъащӏэм и гугъуехьхэр къызэнэкӏынымкӏэ зэгъусэ тхьэлъэӏум и мыхьэнэмрэ.
Къэпсэлъа нэужь, члисэм и унафэщӏ иерей Калинин Евгений артист ныбжьыщӏэхэм тыгъэ ӏэфӏхэр яритащ. Итӏанэ сабийхэмрэ абыхэм я адэ-анэхэмрэ шей ефэну къызэхуэсащ епархием и «Семья на приходе» проектым ипкъ иткӏэ.
Фигу къэдгъэкӏыжынщи, «Семья на приходе» проектыр тхьэмахуэ школхэм гъэ еджэгъуэщӏэм я лэжьыгъэм и зы унэтӏыныгъэ хъуащ. Абы егъэджакӏуэхэм зрагъэужьыну яжриӏащ Пятигорскрэ Черкесскрэ я архиепископ Феофилакт епархием и шыщхьэуӏу педагогикэ советым. Проектым и мурадыр сабийхэмрэ адэ-анэхэмрэ тхьэмахуэ еджапӏэмрэ екӏуэлӏапӏэмрэ я гъащӏэм зэгъусэу хэтыным къыхэшэнырщ.