2026 гъэм жэпуэгъуэм и 17-м «Знание» Урысей зэгухьэныгъэм Хэкум и зауэлӏхэм я унагъуэхэм я Комитетымрэ Къэрэшей-Шэрджэсым и «Защитники Отечества» фондымрэ я дэӏэпыкъуэгъуу къызэригъэпэщащ Дзэ операцэ хэхам хэтхэм я унагъуэхэм я онлайн-зэӏущӏэ. Черкесск къалэм и Никольскэ члисэ зэхуэхьэсам и щоджэн, «Знание» зэгухьэныгъэм и лектор Гурин иерей Александр.
Псалъэмакъым къыхыхьащ Черкесскрэ Къэрэшей-Шэрджэсым и жылагъуэ пхыдзахэмрэ щыщ унагъуэхэр.
Зэӏущӏэр темитӏым теухуат: «Зэкъуэтыныгъэм и къарур, урысейм и тхыдэр, и къэкӏуэнур», «Унагъуэр ди псэкупсэ кодщ". Урысейм и тхыдэм щыщ щапхъэхэмкӏэ ди адэ Александр тепсэлъыхьащ зэкъуэтыныгъэм мы махуэхэм мыхьэнэшхуэ зэриӏэм. Щоджэным апхуэдэу къыддэгуэшащ XIII Ставрополь форумым и зэманым Ставрополь духовнэ семинарием щекӏуэкӏа семинархэм къыщыӏуа дзэ щоджэнхэм я псэкупсэ гупсысэхэмрэ чэнджэщхэмкӏэ.
Адэ Александр гулъытэ хэха хуищӏащ дзэм къулыкъу щызыщӏэхэм я унагъуэхэм защӏэгъэкъуэным. Абы къиӏуэтэжащ и ӏыхьлыр дзэ операцэ хэхам и щӏыпӏэм щыщыӏэм деж гужьеигъуэм зэрызримытынур, зауэлӏхэм папщӏэ тхьэлъэӏум и мыхьэнэр къыгуригъэӏуащ, абыхэм папщӏэ тхьэ зэрелъэӏунум теухуа чэнджэщхэри яритащ.
Щоджэным зэӏущӏэм хэтахэр къыхуриджащ я къарур зэхалъхьэну, дзэм къулыкъу щызыщӏэхэм ядэӏэпыкъуну. Ар тепсэлъыхьащ Къэрэшей-Шэрджэсым и волонтёр гупхэм, Черкесск и Никольскэ члисэ зэхуэхьэсам и «Николин уголок» социальнэ пунктри яхэту, я лэжьыгъэм.
Ди адэ Александр апхуэдэу едаӏуэхэр щигъэгъуэзащ члисэмрэ къэзакъхэмрэ тхыдэмкӏэ я музейм щекӏуэкӏа «Дзэ операцэ щхьэхуэ» гъэлъэгъуэныгъэм. Щоджэныр тепсэлъыхьащ щӏалэгъуалэр псэкупсэ-щэнгъасэ гъэсэнымкӏэ абы иӏэ мыхьэнэм.
Зэӏущӏэр щиухым абы хэтхэм щоджэным яфӏэгъэщӏэгъуэн упщӏэхэр иратащ.