Новопавловск щекӏуэкӏащ дин лэжьакӏуэхэмрэ сабийхэмрэ школакӏуэхэмрэ я зэӏущӏэхэр, Псыхуабэ И Покров махуэшхуэм теухуауэ.
Пётррэ Павелрэ я члисэм и унафэщӏ иерей Гордин Александр къалэ библиотекэм сабий садхэм я гъэсэнхэм щаӏущӏащ. Щоджэныр сабийхэм яхутепсэлъыхьащ Псыхуабэ И Покров махуэшхуэм.
Езы махуэшхуэм Пётррэ Павелрэ я члисэм щыӏащ школ № 2-м и 4-нэ классым щеджэхэр. Ди адэ Александр щӏалэхэр щигъэгъуэзащ махуэшхуэм и тхыдэмрэ и мыхьэнэмрэ. Абы школакӏуэхэр къыхуриджащ зыр адрейм зыщӏагъэкъуэну, къарууншэхэм я жагъуэ ямыщӏыну, адэ-анэхэмрэ егъэджакӏуэхэмрэ едэӏуэну, Тхьэр фӏыуэ Ялъагъуну, я гъунэгъухэм ядэӏэпыкъуну.
Мы махуэхэм благочиннэри Щыӏащ Новопавловск и школ № 33-м. Зэӏущӏэр траухуащ лъэпкъхэм я зэныбжьэгъугъэм. Дин лэжьакӏуэр школакӏуэхэм епсэлъащ зэхущытыкӏэфӏ зэрызэхуаӏэм, зэрызэгурыӏуэм теухуауэ.
Апхуэдэ зэӏущӏэхэр сабийхэм ядоӏэпыкъу чристэн диным и лъабжьэхэмрэ чристэн хабзэхэмрэ зыщагъэгъуэзэнымкӏэ.