2026 гъэм жэпуэгъуэм и 14-м, Псыхуабэ И Покров махуэшхуэм, Пятигорскрэ Черкесскрэ я архиепископ Феофилакт и нэфӏ къыщыхуауэ Зеленогорскэ къуажэм И Покров члисэ яухуэм махуэшхуэ тхьэлъэӏу щрагъэкӏуэкӏащ.
Тхьэлъэӏум пашэ щыхъуащ Кисловодск члисэ округым и благочиннэ протоиерей Знаменский Иоанн. Абы хуэлэжьащ Покров члисэм и унафэщӏ протоиерей Степанов Вадимрэ Кисловодск члисэ округым и дин лэжьакӏуэхэмрэ.
Тхьэлъэӏум папщӏэ тхьэ елъэӏуащ къуажэм щыпсэухэр, Кисловодск и члисэхэм екӏуалӏэхэр, къалэ-курортым и хьэщӏэхэр.
Тхьэлъэӏур щиухым протоиерей Иоанн къызэхуэсахэм ехъуэхъуащ Псыхуабэ И Покров махуэшхуэмкӏэ икӏи фӏыщӏэ яхуищӏащ члисэр ухуэным телажьэ псоми. Благочиннэм фӏыщӏэ хэха хуищӏащ архиерейм ухуэныгъэмкӏэ и дэӏэпыкъуэгъу Музенитов Павелрэ тхьэелъэӏупӏэ Зыщӏ Тимохин Владиславрэ.
И кӏэм къызэхуэсахэм сурэт зэхуэдэ трахащ яухуэ члисэм деж.