2026 гъэм жэпуэгъуэм и 6-м къыщыщӏэдзауэ и 9 пщӏондэ апостол пэлъытэ, щихъхэу Кириллрэ Мефодийрэ я цӏэр зезыхьэ Члисэпсо аспирантурэмрэ докторантурэмрэ щекӏуэкӏащ «Къэзакъхэм ядэлэжьэнымкӏэ епархием и къудамэм и лэжьыгъэр купщӏафӏэу къызэгъэпэщын» щӏэныгъэм щыхагъахъуэ курсхэр.
Егъэджэныгъэм хэтащ Урыс Чристэн Члисэм и епархие 40-м щыщу цӏыху 45-рэ. Абыхэм ящыщщ дзэ щоджэнхэр, къэзакъхэм ядэлэжьэнымкӏэ епархием и къудамэхэм я унафэщӏхэмрэ лэжьакӏуэхэмрэ, Урысейм и щӏыналъэ зэмылӏэужьыгъуэхэм къикӏа къэзакъ дин лэжьакӏуэхэр, къэзакъхэр.
Пятигорскрэ Черкесскрэ я архиепископ Феофилакт и нэфӏ къыщыхуауэ Пятигорск епархием и курсхэм щигъэлъэгъуащ къэзакъхэм ядэлэжьэнымкӏэ къудамэм и унафэщӏ протоиерей Фещенкэ Стефан.
Абы едаӏуэхэм я пащхьэ къыщыпсэлъащ дин лэжьакӏуэхэр, властым и органхэмрэ къэзакъхэмрэ я лӏыкӏуэхэр, Москва дэт еджапӏэ нэхъыщхьэхэм я егъэджакӏуэхэр. Курсхэм хэтхэм урысей къэзакъхэм я тхыдэм зыщагъэгъуэзащ, къэзакъ щӏалэгъуалэм ядэлэжьэным, къэзакъ егъэджэныгъэм зегъэужьыным тепсэлъыхьащ. Гулъытэ щхьэхуэ хуащӏащ дзэ операцэ хэхам хэт къэзакъхэр псэкӏэ гъэшхэным, зэӏыхьэныгъэ культхэмрэ экстремизмэмрэ япэщӏэтыным, хъыбарегъащӀэ ӏэнатӏэхэмрэ грант зэгухьэныгъэхэмрэ ядэлэжьэным.
Еджэныр щиухым едаӏуэхэм иратащ я щӏэныгъэм зэрыхагъахъуэмкӏэ удостоверенэхэр.