2026 гъэм жэпуэгъуэм и 8-м Налшык щекӏуэкӏащ «Адыгэхэр Урысеймрэ дунеймрэ: зэдэлэжьэныгъэмрэ зэкъуэтыныгъэмрэ -лъэпкъхэмрэ къэралхэмрэ яку дэлъ зэпыщӏэныгъэмрэ мамырыгъэмрэ гъэбыдэным хэлъхьэныгъэ хуэщӏынырщ» конференцыр. Хьэщӏэ лъапӏэхэм ящыщу абы хэтащ Пятигорск епархием и Налшык члисэ округым и благочиннэ протоиерей Бобылев Валентин.
Конференцым хэтахэр тепсэлъыхьащ хабзэхэр хъумэным ехьэлӏа ӏуэхухэмрэ ди лъэпкъэгъухэм я зэпыщӏэныгъэхэр гъэбыдэным хуэунэтӏа проектхэмрэ.
«Урысейм ис лъэпкъхэм я ассамблее» Урысейпсо жылагъуэ-къэрал зэгухьэныгъэм и генеральнэ унафэщӏ Латыпов Артур протоиерей Бобылев Валентин Ассамблеем и фӏыщӏэ тхылъ иритащ хабзэ хъуа псэкупсэ-щэнгъасэ лъапӏэныгъэхэр хъумэным ехьэлӏа и лэжьыгъэхэм папщӏэ.
А махуэ дыдэм щӏалэгъуалэм я унэм щекӏуэкӏащ Кавказ Ищхъэрэ федеральнэ округым щыӏэ «Лъэпкъым и пагагъэ — 2026» VII Урысейпсо жылагъуэ саугъэтым и щӏыналъэ зэхуаку ӏыхьэр.
"Урысейм ис лъэпкъхэм я Анэдэлъхубзэхэр" унэтӏыныгъэм саугъэтым и лауреат щыхъуащ Пятигорск епархием и Ищхъэрэ Къэрэшей-Шэрджэс округым и благочиннэ протоиерей Нартов Александр.