2026 гъэм жэпуэгъуэм и 2-м Чристэн Никольскэ классикэ гимназием щекӏуэкӏащ егъэджакӏуэм и Махуэм теухуа махуэшхуэ.
Классым щӏэмыт лэжьыгъэмкӏэ унафэщӏым и къуэдзэ Синявская Татьянэрэ члисэ уэрэд жыӏэнымкӏэ егъэджакӏуэ Игнатенкэ Еленэрэ я унафэм щӏэту гимназистхэм махуэшхуэ программэ ягъэхьэзыращ. Уэрэдхэмрэ творческэ номерхэмрэ щӏалэхэм лъагъуныгъэрэ фӏыщӏэрэ щыхуащӏащ я егъэджакӏуэхэм. Гимназием и унафэщӏымрэ егъэджакӏуэхэмрэ яхуэгъэза псалъэ гуапэхэр утыкум къиӏукӏащ.
Гимназием и унафэщӏ протоиерей Знаменский Иоанн гимназиер къызэзыгъэпэща Пятигорскрэ Черкесскрэ я архиепископ Феофилакт и нэфӏщыхуэныгъэр егъэджакӏуэхэм яритри, я ӏэщӏагъэ махуэшхуэмкӏэ ехъуэхъуащ. Ди адэ Иуан егъэджакӏуэхэм фӏыщӏэ яхуищӏащ хьэлэлу зэрылажьэм, гъэсэнхэм гулъытэ зэрыхуащӏым, гимназием и гъащӏэм зэрыхэтам папщӏэ.