«Красный Гедуко» шы спорт комплексым щекӏуэкӏащ адыгэ фащэм и Махуэм теухуа шы къэжыхьынымкӏэ зэхьэзэхуэхэр. Программэм хыхьащ Кавказ Ищхъэрэ федеральнэ округым и чемпионатымрэ зэхьэзэхуэмрэ, Ставрополь крайм и чемпионатыр, квалификацэ, фӏыуэ ялъагъу щӏыхьэхухэр.
Зэхьэзэхуэм Хэтащ Къэбэрдей-Балъкъэрым, Къэрэшей-Шэрджэсым, Адыгейм, Осетие Ищхъэрэ — Аланием, Ставрополь, Краснодар крайхэм, Москва, Липецк, Херсон, Ленинград областхэм, Беларусь Республикэм щыщ спорт зэщхьэгъуси 112-рэ.
Пятигорск епархием иппотерапиемкӏэ и «Целебный Ессэнтӏыгу» Центрым и командэр километр 40 зи кӏыхьагъ гъуэгуанэм зыкъыщигъэлъэгъуащ. Псоми я зэхуэдэ зачётым спортсменхэм ебланэ, еянэ увыпӏэхэр къыщахьащ, Ставрополь крайм и чемпионатым япэ, етӏуанэ увыпӏэхэр къыщахьащ.
Спортсменхэм дохъуэхъу ехъулӏэныгъэ яӏэу зыкъагъэлъэгъуэну!