Гъэ еджэгъуэм щӏидзэным и пэ къихуэу Ессэнтӏыгу къалэм и школ № 11-м щекӏуэкӏащ егъэджэныгъэм и лэжьакӏуэхэм хабзэ хъуа я шыщхьэуӏу конференцэр. Абы и темэр — «Егъэджэныгъэм и Стратегие гъуазэхэрщ: сабий гъэсапӏэм къыщыщӏэдзауэ ӏэщӏагъэ къыхэхыныгъэм нэс».
Конференцым и лэжьыгъэм хэтащ Ессэнтӏыгу къалэм и Пантелеимоновскэ члисэм и унафэщӏ иерей Журавлев Михаил. Щоджэным егъэджакӏуэхэм хъуэхъу яритащ гъэ еджэгъуэщӏэм зэрыщӏидзамкӏэ Пятигорскрэ Черкесскрэ я архиепископ Феофилакт къыбгъэдэкӏыу.
Ди адэ Михаил тепсэлъыхьащ Пятигорск епархиер «Урысейм и псэкупсэ-щэнгъасэ щэнхабзэ» (ДНКР) предметыщӏэр езыгъэджыну егъэджакӏуэхэр гъэхьэзырынымкӏэ ядэӏэпыкъуну, зыхуэныкъуэ дэӏэпыкъуныгъэхэр иратыну зэрыхьэзырым.
И кӏэм школакӏуэхэм творческэ программэ къагъэлъэгъуащ.