Пятигорскрэ Черкесскрэ я архиепископ щихънагъ нэхъыщхьэ Феофилакт и нэфӏ къыщыхуауэ, 2026 гъэм шыщхьэуӏум и 24-м Кисловодск къалэ-курортым Тхьэм папщӏэ бэлыхь куэд зрагъэшэча Пантелеимон и члисэм щекӏуэкӏащ Кисловодск благочинием и дин лэжьакӏуэхэм я гуэныхьхэр ӏуэтэжынымрэ зэхуэсымрэ.
Хущӏегъуэжыныгъэм и щэхур илэжьащ округым и дин лэжьакӏуэ, Крестовоздвиженскэ члисэм и унафэщӏ протоиерей Лиманов Гермоген. Гуэныхьхэр ӏуэтэжыным и пэ къихуэу Гермоген и адэр дин-лэжьакӏуэхэм ехъуэхъуащ Зиусхьэным и Зэхъуэкӏыныгъэм и махуэшхуэмкӏэ икӏи тепсэлъыхьащ псэр зэрызэрахъуэкӏам, Тхьэм и нэхур зэрагъуэтам. «Зэхъуэкӏыныгъэр ди гъащӏэ псом и мыхьэнэ хъун хуейщ», — къыхигъэщащ дин лэжьакӏуэм. Абы и къуэшхэр къыхуриджащ тхьэлъэӏукӏэ я фаворым дэкӏуеину, Тхьэм и щӏыхьым и нэхум псэр зэрыщызэблэкӏым хуэсакъыну.
Гуэныхьхэр яӏуэтэжа нэужь, дин лэжьакӏуэхэм хасэу Тхьэлъэӏу литургие ирагъэкӏуэкӏащ. Тхьэлъэӏур щиухым дин-лэжьакӏуэхэм тхьэлъэӏукӏэ ягу къагъэкӏыжащ члисэм и япэ унафэщӏ протоиерей Величко Вячеслав, илъэсипщӏ и пэкӏэ, 2016 гъэм шыщхьэуӏум и 23-м, увыӏар.
Ягу къагъэкӏыж протоиерей Вячеслав щыщӏалъхьа щӏыпӏэм хьэдэӏус щащӏащ благочиннэ протоиерей Знаменский Иоанн, округым и дин лэжьакӏуэ протоиерей Лиманов Гермоген, Кисловодск члисэ округым и дин лэжьакӏуэхэм.
Итӏанэ благочиннэм и унафэм щӏэту дин лэжьакӏуэхэм я зэхуэс екӏуэкӏащ. Темэ нэхъыщхьэ хъуащ гъэ еджэгъуэм и щӏэдзапӏэр. Jntw Иуан дин лэжьакӏуэхэм ягу къигъэкӏыжащ фокӏадэм и 1-м щӏэныгъэм и махуэм теухуа школ гуфӏэгъуэ линейкэхэм зэрыхэтар. Апхуэдэу ар тепсэлъыхьащ къапэщылъ зэпеуэхэмрэ вебинархэмрэ, екӏуэлӏапӏэм кӏуэхэм папщӏэ курсхэм, Москва щекIуэкIыну регентхэм я съездым.
Дин лэжьакӏуэхэр тепсэлъыхьащ екӏуэлӏапӏэм и гъащӏэм ехьэлӏа нэгъуэщӏ ӏуэхухэми.