2026 гъэм бадзэуэгъуэм и 28-м Къэбэрдей-Балъкъэр Республикэм и Жылагъуэ палатэм щекӏуэкӏащ «Крещение Руси: духовное единство народов России» зэхыхьэр. Зэӏущӏэр иригъэкӏуэкӏащ «Вече» зэгухьэныгъэм и унафэщӏ Литвинов Роман.
Урысейм ис лъэпкъхэм я зэкъуэтыныгъэм и илъэсым хуэгъэпса псалъэмакъым хэтащ КъБР-м лъэпкъ ӏуэхухэмрэ жылагъуэ проектхэмкӏэ и министрым и къалэнхэр зыгъэзащӏэ Гергоков Джамбулэт, республикэм и лъэпкъ диаспорэхэм, жылагъуэ, дин зэгухьэныгъэхэм я лӏыкӏуэхэр.
Псалъэ гуапэхэмкӏэ къэпсэлъащ КъБР-м и Жылагъуэ палатэм и унафэщӏ Бердов Хьэзрэталий, Дунейпсо адыгэ ассоциацэм и президент Сэхъурокъуэ Хьэутий, Налшык члисэ округым и благочиннэ протоиерей Бобылев Валентин сымэ. Итӏанэ абы хэтахэр докладхэм едэӏуащ.
Зэхыхьэм и кӏэухым унафэ къащтащ. Абы къыщыхалъхьащ Урысейр умэхъын щащӏа махуэр хабзэ хъуа псэкупсэ-щэнгъасэ лъапӏэныгъэхэр хъумэным теухуауэ илъэс къэс екӏуэкӏ республикэ фэеплъ махуэхэм хагъэхьэну.