Щӏалэгъуалэм я ӏуэхухэмкӏэ Синод къудамэм и сайтым хъыбар къызэрыдигъащӏэмкӏэ, 2026 гъэм бадзэуэгъуэм и 25-26-хэм Щӏалэгъуалэм я ӏуэхухэмкӏэ Синод къудамэм и унафэщӏым и къалэнхэр зыгъэзащӏэ иеромонах Филарет (Зубов) Пятигорск епархием лэжьыгъэ ӏуэхукӏэ кӏуащ.
Иеромонах Филарет епархием и щӏалэгъуалэ къудамэм и унафэщӏ иерей Вдовин Владимир ӏущӏащ. Ди адэ Владимир къудамэм и лэжьыгъэм и унэтӏыныгъэ нэхъыщхьэхэр утыку кърихьащ икӏи щӏалэгъуалэ проектхэр гъэзэщӏэнымкӏэ зэфӏэкӏхэмкӏэ къыддэгуэшащ. Псалъэмакъым хыхьэу лъэныкъуитӏыр тепсэлъыхьащ чристэн щӏалэгъуалэ къулыкъум иджырей щытыкӏэхэм мыхьэнэшхуэ щызиӏэ джэлэсхэмрэ ахэр къызэнэкӏынымкӏэ щыӏэ гъуэгухэмрэ. Зэӏущӏэм и кӏэухым, адэкӏэ зэдэлэжьэну, ӏуэху бгъэдыхьэкӏэ нэхъыфӏхэмкӏэ зэхъуэжэну я мурадхэр яубзыхуащ.
Итӏанэ иеромонах Филарет щыӏащ Успенскэ Второафонскэ Бештаугорскэ цӏыхухъу къулъшырыфым, «Зеленый Афон» сабий ныбжьыщӏэ форумым и кӏэух (еплӏанэ) зэхъуэкӏыныгъэр щрагъэжьащ. Мыбдежым иеромонах Филарет щыӏущӏащ Пятигорскрэ Черкесскрэ я архиепископ Феофилакт. Зэӏущӏэм щытепсэлъыхьащ Пятигорск епархием щӏалэгъуалэ къулыкъум зыщегъэужьынымкӏэ щыӏэ хэкӏыпӏэхэм. Тепщэ архиерейм къыхигъэщхьэхукӏащ члисэ зэхуаку зэдэлэжьэныгъэмрэ зэфӏэкӏхэмкӏэ зэхъуэжэным я мыхьэнэр. Лъэныкъуэхэр зэгурыӏуащ щӏалэгъуалэ унэтӏыныгъэм зегъэужьынымкӏэ адэкӏэ ячыну лъэбакъуэхэмкIэ.
Адэкӏэ форумыр къыщызэӏуахым архиепископ Феофилакт и пэублэ псалъэм иужькӏэ иеромонах Филарет абы хэтхэм фӏэхъускӏэ захуигъэзащ. Абы къыхигъэщащ щӏалэщӏэм и щхьэр егъэфӏэкӏуэным, зегъэужьыным и ӏуэхукӏэ фӏэщхъуныгъэм мыхьэнэшхуэ зэриӏэр икӏи абы щӏалэхэр ехъуэхъуащ форумым купщӏафӏэу хэтыну.
Бадзэуэгъуэм и 26-м иеромонах Филарет архиепископ Феофилакт тхьэлъэӏу литургием папщӏэ дэлэжьащ. Тхьэлъэӏур щиухым Синод къудамэм и унафэщӏ къалэныр зыгъэзащIэр епархием и къудамэхэм я унафэщIхэм, Пятигорск епархием и щ1алэгъуалэ жыджэрхэм яIущIащ. Зэӏущӏэм къыщаӏэтащ чристэн щӏалэгъуалэм иджырей дунейм щрагъэкӏуэкӏ лэжьыгъэм ехьэлӏа ӏуэхухэр. Филарет и адэм гъэсэнхэм я упщӏэхэм жэуап иритащ.
Лэжьыгъэ ӏуэхукӏэ кӏуэныр щиухым иеромонах Филарет щыӏащ Ессэнтӏыгу къалэм дэт Петропавловскэ члисэ комплексым. Мыбдежым ар щыӏущӏащ члисэм и унафэщӏ, Пятигорск епархием и миссионер къудамэм и унафэщӏ иерей Гриценкэ Виталий. Ди адэ Виталий хьэщӏэр щигъэгъуэзащ апостол лъапӏэхэу Пётррэ Павелрэ я члисэ комплексым и лъапӏэныгъэхэмрэ щӏыпӏэ дахэхэмрэ, щӏалэгъуалэм зэрадэлажьэмкӏэ къыддэгуэшащ, члисэ комплексым и щӏыналъэм щекӏуэкӏ лэжьыгъэми тепсэлъыхьащ.
Щӏалэгъуалэм я ӏуэхухэмкӏэ Синод къудамэм и сайтым и тхыгъэхэмкӏэ.
Сурэт: Пятигорск епархием и пресс-ӏуэхущӏапӏэ.