Урысейр Умэхъын щащӏа махуэм и пэ къихуэу Ессэнтӏыгу къалэм и Петропавловскэ члисэ комплексым и щӏыналъэм щекӏуэкӏащ узэщӏыныгъэ псапэ ӏуэху. Ар игъэхьэзыращ епархием и миссионер къудамэм и унафэщӏ, члисэм и унафэщӏ иерей Гриценкэ Виталий.
Члисэ комплексым екӏуалӏэхэмрэ хьэщӏэхэмрэ папщӏэ къызэгъэпэщакӏуэхэм тематикэ стенд ягъэуващ, Урысейр умэхъын щӏыным и тхыдэмрэ и мыхьэнэмрэ теухуа тхыгъэхэр иту. Тхьэмахуэ школым и гъэсэнхэм узэщӏыныгъэ буклетхэр ягуэшащ, махуэшхуэм и мыхьэнэмрэ чристэнхэм я дежкӏэ абы иӏэ мыхьэнэмрэ тепсэлъыхьу.
Зэхыхьэм хэтхэм ягу къигъэкӏыжащ Урысейр умэхъын щӏыныр хэку тхыдэм и ӏуэхугъуэ нэхъыщхьэхэм ящыщ зэрыхъуар. Чристэн диныр лӏэщӏыгъуэхэм я кӏыхьагъкӏэ къызэращтам лъэпкъым и псэкупсэ гъащӏэр иубзыхурт, цӏыхугъэ лъапӏэныгъэхэр къызэригъэпэщырт, урыс щэнхабзэмрэ гъуазджэмрэ зегъэужьынми хэлӏыфӏыхьащ.