2026 гъэм бадзэуэгъуэм и 25-м, Тхьэм и Анэм и «Троеручица» тхьэнапэр щагъэлъапӏэ махуэм, Пятигорскрэ Черкесскрэ я архиепископ Феофилакт Тхьэлъэӏу литургие щригъэкӏуэкӏащ Подкумок къуажэм и Троицкэ члисэм.
Архиерейм хуэлэжьащ Пятигорск епархием и Кисловодск округым и дин лэжьакӏуэхэу благочиннэ протоиерей Знаменский Иуанрэ протодиакон Кубэ Димитрийрэ я пашэу. Архипастырым тхьэ елъэӏуащ къуажэм щыпсэухэмрэ хьэжыщӏ кӏуэхэмрэ.
Литургие нэужьым Тепщэм фӏэщхъуныгъэ зиӏэхэм уазкӏэ захуигъазэри, жылагъуэм екӏуалӏэхэмрэ псапащӏэхэмрэ фӏыщӏэ тхылъхэр яритащ. Итӏанэ архиепископ Феофилакт члисэ тыкуэнымрэ екӏуэлӏапӏэ къулыкъущӏапӏэхэмрэ щӏэуэ яухуа пэшхэр игъэлъэпӏащ. Члисэмрэ щӏыналъэмрэ зэӏузэпэщ щӏыным пащэ.