2026 гъэм бадзэуэгъуэм и 22-м Предгорнэ районым хыхьэ Новоблагодарнэ къуажэм и библиотекэ нэхъыщхьэм щекӏуэкӏащ Псыхуабэ и Покров члисэм и унафэщӏ иерей Мартыненкэ Максим школ № 5-м щеджэхэмрэ я зэӏущӏэ. Псалъэмакъыр траухуащ Урысейр умэхъын щӏыным и махуэшхуэм. Апхуэдэ зэӏущӏэхэр школакӏуэхэм ядоӏэпыкъу я къэралым и тхыдэр нэхъыфӏу къащӏэнымкӏэ, абы и псэкупсэ къежьапӏэр къагурыӏуэнымкӏэ, щӏэблэхэр зэрызэпыщӏар зыхащӏэнымкӏэ. Щоджэныр школакӏуэхэм яхутепсэлъыхьащ апостол пэлъытэ пщы Владимир, Урысейм чристэн диныр къызэрыхахам, дэтхэнэ цӏыхуми и гъащӏэм Умэхъын щӏыным и щэхум и мыхьэнэм. Абы къыхигъэщащ Урысейр умэхъын щӏыныр хэку тхыдэм и ӏуэхугъуэ нэхъыщхьэ зэрыхъуар икӏи лъэпкъым лӏэщӏыгъуэ куэдкӏэ и псэкупсэ гъуэгур зэриубзыхуар. Уэршэрым здыхэтым щӏалэхэм упщӏэхэр иратырт икӏи егупсысырт фӏэщхъуныгъэм, тхыдэм, псэкупсэ лъапӏэныгъэхэм.