2026 гъэм бадзэуэгъуэм и 18-м, щихъ Радонежский Сергий и хьэдэкъупщхьэ пэжхэр щигъуэта махуэм, КъШР-м хыхьэ Марухэ къуажэм и Къэзан члисэм и гъунэгъуу лэжьэн щыщӏидзащ Пятигорск епархием и «Маруха-2026» щӏалэгъуалэ форумым.
Мы гъэм абы зэхуишэсащ Ставрополь крайм, Къэрэшей-Шэрджэсым, Къэбэрдей-Балъкъэрым щыщ щӏалэрэ хъыджэбзу 70. Абы хэтхэм я ныбжьыр ику иту илъэс 14-16 мэхъу.
Тхьэмахуитӏрэ ныкъуэм къриубыдэу щӏалэхэм зрагъэцӏыхунущ Къэрэшей-Шэрджэсым и щӏыпӏэ дахэхэр икӏи хэтынущ Архыз Ищхъэрэ къалэжьым и Ильинскэ члисэм и тахътэ махуэр гъэлъэпӏэным.
Зэхуэсым и программэм хохьэ спорт, щӏэныгъэ джэгукӏэхэр, мафӏэм деж пшыхьхэр, и ныбжьэгъухэм епсэлъэныр.
Форумыр къызэӏухыныр псоми я зэхуэдэ тхьэлъэӏукӏэ къыщӏидзащ. Абы хэтхэм фӏэхъус ирахащ Къэрэшей-Шэрджэс члисэ округым и благочиннэ иерей Якушев Александр, Пятигорск епархием и щӏалэгъуалэ къудамэм и унафэщӏ иерей Вдовин Владимир, Зеленчук районым и администрацэм и ӏэтащхьэм и къуэдзэ Дневалов Михаил, атаман Миронычев Виктор сымэ, нэгъуэщӏ хьэщӏэхэми.