Бадзэуэгъуэм и 11-м пщыхьэщхьэм, апостол лъапӏэхэу Пётррэ Павелрэ я махуэшхуэм и пэ къихуэу, Пятигорскрэ Черкесскрэ я архиепископ Феофилакт Ессэнтӏыгу къалэм и Петропавловскэ члисэм тхьэлъэIур щригъэкIуэкIащ. Архиерейм дэлэжьащ: Пятигорск епархием и Административнэ секретариатым и унафэщӏ иерей Яковенкэ Илия, благочиннэ протоиерей Фещенкэ Стефан зи пашэ Ессэнтӏыгу члисэ округым и дин лэжьакӏуэхэр, протодиакон Кубэ Димитрий сымэ. Тхьэлъэӏум архипастырым еджакӏуэу хиротесие ищӏащ икӏи Ставрополь духовнэ семинарием и студент Десетириков Даниил иподиакон къулыкъур хуагъэфэщащ. Тхьэлъэӏу нэужьым Тепщэр псапащӏэ махуэшхуэ концертым щыӏащ икӏи екӏуэлӏапӏэм кӏуэхэм ехъуэхъуащ.
Бадзэуэгъуэм и 12-м, махуэшхуэм, архиепископ Феофилакт тхьэлъэӏу литургие щригъэкӏуэкӏащ Новопавловск къалэм и Петропавловскэ члисэ яухуэм, Новопавловскэ округым и благочиннэ, члисэм и унафэщӏ Гордин Александр и гъусэу. Диакон къулыкъур иригъэк1уэкIащ протодиакон Кубэ Димитрий. Литургие нэужьым Архипастырыр жор зекӏуэм пашэ щыхъуащ, члисэм и уафэ къыщхьэщыжакӏуэхэм щӏыхь яхуищӏащ икӏи жылагъуэм и псапащӏэхэмрэ лэжьакӏуэхэмрэ саугъэтхэр яритащ.
А махуэ дыдэм Архиерейм къалэ округым и ӏэтащхьэ Новопашин Николай и гъусэу удз гъэгъахэр трилъхьащ Новопавловскэ станицэр къызэзыгъэпэща къэзакъхэм я фэеплъым.