2026-чы джыл июлну 10-да Пятигорскеде «ТАСС Кавказ» Деген регионал информация аралыкъда Шимал Кавказ федерал округну регионларында иппотерапияны айнытыугъа аталгъан пресс-конференция бардырылгъанды.
Реабилитацияны джангы джолларыны, СВО-ну ветеранлары бла ишлеуню, аны кибик сабийлеге эмда ата-аналагъа адаптацияны программаларыны юсюнден миллет иппотерапия бла адаптив ат спортну федерациясыны президенти Александр Денисенков, «Мир верхом» иппоцентрни башчысы Наталья Соловьева, «Ир» къымылдауну бузууну тюзетиуню аралыгъыны баш врачы Нонна Чеджемова эмда Пятигорск епархияны «Целебный Ессентуки» иппотерапия Аралыгъыны тамадасы иерей Тростинский Сергий хапар айтдыла.
Атасы Сергий сентябрда Ессентюкде саулукълары энчи болгъан адамлагъа адаптив ат спортдан энчи олимпиада бардырыллыгъын билдирди. Аны айтханына кёре, ара керекли сертификацияны бошагъанды эм хар жыл сайын битеуроссей даражалы эришиулени алыргъа эркинлик алгъанды.
Дагъыда араны башчысы сентябрь айны 13-де иппоцентрде битеуроссей спартакиада боллугъун айтханды.
Араны дагъыда бир проекти — Шимал Кавказда биринчи инклюзив атлы театрды. Бусагъатда специалистле аны ачаргъа хазырланыуну бошайдыла. Постановкалагъа саулукъларында къыяулары болгъан сабийле бла уруш ишлени ветеранлары къатышаллыкъдыла.