Унагъуэм, лъагъуныгъэм, пэжыгъэм я Махуэм и пэ къихуэу Нижнеподкумскэ къуажэм Щэнхабзэмкӏэ и унэм щекӏуэкӏащ «Шынэ-шынэ удз гъэгъахэр» махуэшхуэ концертыр. Махуэшхуэм щыгъуэ илъэс куэд щIауэ зэбгъэдэс зэщхьэгъусэхэм я юбилейр зыгъэлъапIэ унагъуэхэм ехъуэхъуащ.
Къызэхуэсахэм фӏэхъус псалъэкӏэ зыхуагъэзащ Георгиевскэ члисэм и унафэщӏ иерей Беляев Михаил, Нижнеподкумск къуажэм и щӏыналъэм щызэхэт ЦIыхубзхэм я советым и унафэщӏ Огай Аннэ, Щэнхабзэмкӏэ унэм и унафэщӏ.
Щӏыхь тхылъхэмрэ фэеплъ тыгъэхэмрэ хуагъэфэщащ Агиенкэ, Цыбинхэ, Шевцовхэ, Зеленскэхэ, Порошинхэ я унагъуэхэм. Ахэр къыхагъэщащ унагъуэ хабзэ быдэхэр зэрахъумар, сабийхэр екӏуу зэрагъасэм, зэщхьэгъусэхэр зэрызэбгъэдэсрэ илъэс зыбжанэ зэрырикъум къыхэкӏыу.
Махуэшхуэм хыхьэу къуажэм бынунагъуэшхуэхэм я пэкӏу екӏуэкӏащ. Унагъуэ къэс шхапIэм зэрыкӏуэну тыгъэ сертификатхэр, сабийхэм зэрыджэгу хьэпшыпхэр иратащ.
Къуажэм щыпсэухэмрэ хьэщӏэхэмрэ папщӏэ ягъэхьэзыращ Щэнхабзэмкӏэ унэм и творческэ гупхэм я концерт номерхэр, тематикэ мастер-классхэр, аквагрим, Пятигорск и щӏалэгъуалэм я флешмобхэр.