2026 гъэм мэкъуауэгъуэм и 23-м илъэси 120-рэ ирикъуащ совет флотоводец цӏэрыӏуэ, адмирал Головко Арсен Григорий и къуэр къызэралъхурэ.
Адмирал хъунур 1906 гъэм мэкъуауэгъуэм и 23-м Прохладнэ станицэм къыщалъхуащ. Хэку зауэшхуэм и илъэсхэм Ар Ищхъэрэ флотым и унафэщӏу щытащ икӏи ди Хэкум и ищхъэрэ гъунапкъэхэр хъумэным хэлъхьэныгъэшхуэ хуищӏащ. Абы и стратегие зэчийм, и унафэм щӏэтхэм я лӏыгъэм, гулъытэ зэрыхуащӏым иджырейхэм пщӏэ къыхуащӏащ икӏи хыдзэлӏхэм я щӏэблэ куэдым щапхъэ яхуэхъуащ.
Юбилейм и махуэм Головко Арсен Григорий и къуэм и фэеплъым деж щызэхуэсащ администрацэм, дин лэжьакӏуэхэм, жылагъуэ зэгухьэныгъэхэм я лӏыкӏуэхэмрэ къалэдэсхэмрэ. Никольскэ члисэм и унафэщӏ протоиерей Маршалкин Андрей и лъахэгъу цӏэрыӏуэм Мыкӏуэдыжын фэеплъ хуигъэӏуащ. Адмирал Головко Арсен и къулыкъумрэ и лӏыгъэмрэ я фэеплъыр фӏыщӏэ зыхуащӏ щӏэблэм я гум щыпсэу зэпытщ.