2026 гъэм мэкъуауэгъуэм и 5-м Пятигорскрэ Черкесскрэ я архиепископ Феофилакт Тхьэлъэӏу литургие щригъэкӏуэкӏащ Ессэнтӏыгу къалэм пэгъунэгъу Дубровкэ бгым Тет Георгиевскэ цӏыхубз къулъшырыфым и Георгиевскэ члисэм.
Архиерейм хуэлэжьащ Пятигорск епархием и дин лэжьакӏуэхэр, Административнэ секретариатым и унафэщӏ Яковенкэ иерей Илия я пашэу. Архипастырым тхьэ елъэӏуащ псэупӏэм щыпсэу цӏыхубзхэр, «София» екӏуэлӏапӏэ-пансионым и гъэсэнхэр, Кавминвод къалэхэмрэ станицэхэмрэ къикӏа хьэжыщӏ кӏуэхэр.
Литургие нэужьым Тепщэм фӏыщӏэ тхьэлъэӏу иригъэкӏуэкӏащ псэупӏэр къызэрызэрагъэпэщрэ илъэс 20 зэрырикъум теухуауэ, къулъшырыфым и псапащӏэхэм саугъэтхэр яритри, фӏэщхъуныгъэ зиӏэхэм уазкӏэ захуигъэзащ.
Епархием и дин лэжьакӏуэхэм я цӏэкӏэ Илия и адэр Архипастырым ехъуэхъуащ пресвитер хиротониер илъэс зэрырикъумкӏэ икӏи удз гъэгъа ӏэрамэ иритащ.
Итӏанэ «София» екӏуэлӏапӏэ-пансионым и гъэсэнхэм хьэщӏэхэм махуэшхуэ концерт иратащ.