Щихъым и махуэшхуэм 2026 гъэм Горячеводскэ станицэм Япэ мывэр щагъэтӏылъащ апостол лъапӏэ Варфоломей — Тэрч къэзакъыдзэм и жьауэм щӏэтым-и цӏэкӏэ тхьэлъэӏупӏэм и лъабжьэм.
Къэкӏуэну тхьэлъэӏупӏэм деж щыӏэ утым щызэхуэсащ къэзакъхэмрэ станицэм щыпсэухэмрэ. Гуфӏэгъуэхэм хэтащ Пятигорск къалэм и ӏэтащхьэ Ворошилов Дмитрий, Ставрополь крайм и Думэм и депутатхэу Аргашоков Валентинрэ Гончаров Жаникрэ, Пятигорск къалэм и Думэм и унафэщӏ Самольянец Дарье, къалэ Думэм и депутатхэр, къэзакъ зэгухьэныгъэм и хьэщӏэхэр.
Щихъым и махуэшхуэмкӏэ къызэхуэсахэм ехъуэхъуащ къэзакъ полковник, Пятигорск къалэм и Думэм и депутат Савченкэ Владимир. Абы ягу къигъэкӏыжащ апостол лъапӏэ Варфоломей Тэрч къэзакъыдзэм и жьауэм зэрыщӏэтыр. Абы зэрыжиӏэмкӏэ, щихъым уафэм и жьауэм щӏэту къулыкъу ящӏэ дзэ операцэ хэхам и щӏыпӏэм зауэ къалэнхэр щызыгъэзащӏэ «Тэрч» бригадэм и къэзакъхэми.
Ӏуэхуфӏым щӏидзэн и пэ къихуэу тхьэлъэӏу ищӏащ Пятигорск и Успенскэ члисэм и унафэщӏ иерей Вдовин Владимир. Тхьэлъэӏу нэужьым къэзакъхэмрэ хьэщӏэ лъапӏэхэмрэ чырбышхэм я япэ сатырыр къэкӏуэну тхьэлъэӏупӏэм и лъабжьэм щӏалъхьащ.
Тхьэлъэӏупӏэр гъэтӏылъыным зэрыхэтам и фэеплъу дэтхэнэми сертификат къратащ Псыхуабэ къэзакъ зэгухьэныгъэм и атаман Иванов Руслан къыбгъэдэкӏыу.Пятигорск и ӏэтащхьэ Ворошилов Дмитрий псыхуабэ къэзакъхэм фӏыщӏэ яхуищӏащ къалэм ифӏ зыхэлъ лэжьыгъэхэм папщӏэ икӏи къыхигъэщащ къэзакъ хабзэхэр хъумэным хуащӏа хэлъхьэныгъэр.
Гуфӏэгъуэр щекӏуэкӏым депутат Аргашоков Валентин Иванов Руслан Иритащ Ставрополь крайм и Думэм И Щӏыхь тхылъыр, илъэс куэдкӏэ хьэлэлу зэрылэжьам папщӏэ. А махуэ дыдэм депутат Гончаров Жаник Псыхуабэ къэзакъ зэгухьэныгъэм и атаманым иритащ тхьэм папщӏэ бэлыхь куэд зрагъэшэча Текӏуэныгъэ къэзыхьа Георгий И бэракъыр, Афон бгы Лъапӏэм кърашар.