Мы тхьэмахуэм Черкесск къыщызэӏуахащ славян тхыбзэмрэ щэнхабзэмрэ я Махуэм теухуа «Урысыбзэр Урысейм ис лъэпкъхэм я зэкъуэтыныгъэм и лъабжьэщ» фестивалыр.
Махуэшхуэр никольскэ члисэ зэхуэхьэсам къыщыщӏэдзауэ апостол пэлъытэ Лъапӏэхэу Кириллрэ Мефодийрэ я фэеплъым жорзехьэу щӏидзащ. Фэеплъым деж хэтхэм тхьэлъэӏу щрагъэкӏуэкӏащ.
Жор ӏуэхум хэтащ цӏыху 500-м щӏигъу: Къэрэшей-Шэрджэсым и Ӏэтащхьэм и администрацэм, КЪЧР-м лъэпкъ ӏуэхухэмкӏэ, цӏыхубэ коммуникацэхэмрэ печатымкӏэ И Министерствэм я лӏыкӏуэхэр, Адыгэ округым и благочиннэ протоиерей Нартов Александр зи пашэ дин лэжьакӏуэхэр, къэзакъхэр, члисэхэм екӏуалӏэхэр, студентхэр, егъэджакӏуэхэр, къалэдэсхэр.
Тхьэ елъэӏуа нэужь, Черкесск и парк нэхъыщхьэм махуэшхуэ концерт щекӏуэкӏащ. Цӏыхухэм я пащхьэ къыщыпсэлъащ Никольскэ члисэмрэ Покров члисэмрэ я хор зэгъэуӏуахэр, Покров члисэм и сабий хорыр, къалэм и творческэ гупхэр. Хьэщӏэхэм папщӏэ гъэлъэгъуэныгъэхэмрэ мастер-классхэмрэ ягъэхьэзыращ.
Махуэшхуэм Щыгъуэ Никольскэ хасэмрэ Покров члисэмрэ я волонтёрхэм жор зекӏуэм хэтхэм хуагуэшащ Синод миссионер къудамэм И буклетхэр, Щихъым и махуэшхуэм теухуауэ. Волонтёрхэр къалэм щыпсэухэм яхутепсэлъыхьащ махуэшхуэм и псэкупсэ мыхьэнэмрэ абы епха члисэ хабзэхэмрэ.