2026 гъэм накъыгъэм и 22-м Къэбэрдей-Балъкъэр Республикэм Мальбаховым и цӏэр зезыхьэ и Къэрал лъэпкъ библиотекэм Налшык щекӏуэкӏащ славян тхыбзэмрэ щэнхабзэмрэ я Махуэмрэ Урысейм ис лъэпкъхэм я зэкъуэтыныгъэм и Илъэсымрэ теухуа узэщӏыныгъэ зэӏущӏэ.
Зэӏущӏэм хэтащ налшык къалэм и апостол пэлъытэ Магдалинэ Марие И цӏэр зезыхьэ члисэм и щоджэн иерей Осипов Константин, республикэм и властым и органхэм, жылагъуэ зэгухьэныгъэхэм, дин лэжьакӏуэхэм я лӏыкӏуэхэр, Налшык и школхэм я класс нэхъыжьхэм щӏэсхэр.
КЪБР-м лъэпкъ ӏуэхухэмрэ жылагъуэ проектхэмкӏэ и министерствэм библиотекэр и дэӏэпыкъуэгъуу зэӏущӏэ къызэригъэпэщащ. Хэтахэр тепсэлъыхьащ лъэпкъ зэгурыӏуэныгъэр хъумэным, урысыбзэр лъэпкъ зэпсэлъэныгъэм и бзэу дэӏыгъыным.