Накъыгъэм и 12-м Ставрополь духовнэ семинарием и актовэ пэшым щекӏуэкӏащ «Кавказ Христианский» МСМ-м драгъэкӏуэкӏа Урысейпсо щӏэныгъэ-практикэ конференцэ. Форумыр екӏуэкӏащ Ставропольскрэ Невинномысскрэ я митрополит Кирилл и нэфӏ къыщыхуауэ XII Свято-Игнатьевскэ къеджэныгъэхэм хыхьэу.
Конференцыр траухуащ Кавказ, Тенджыз Фӏыцӏэ щихънагъ щихъ Брянчанинов Игнатий и фэеплъ махуэм, Ставрополь митрополием и щихъхэм я Члисэр гъэлъэпӏэным.
Пленарнэ зэӏущӏэм и лэжьыгъэм пашэ щыхъуащ Ставрополь духовнэ семинарием и ректор протоиерей Самойленкэ Павел. Ар иригъэкIуэкIащ ЩIэныгъэ советым и секретарь щоджэн Шишкин Евгений. Конференцэм хэтащ семинарием и егъэджакIуэхэмрэ студентхэмрэ, щоджэнхэр, щIэныгъэлIхэр, Урысейм и щIыналъэхэм къикIа хьэщIэхэр. Пятигорскрэ Черкесскрэ я архиепископ Феофилакт и нэфӏ къыщыхуауэ еджэныгъэхэм хэтащ Пятигорск епархием и щихъхэм я конвенцэхэмкӏэ хасэм и секретарь иерей Гурин Александр. Щоджэным утыку кърихьащ «Успенскэ Второафонскэ Бештаугорскэ цӏыхухъу къулъшырыфым и монашествэхэр члисэр зэхэзехуэн щащӏа илъэсхэм» докладыр.
Къэпсэлъэныгъэхэм я ужькӏэ хэтахэр тепсэлъыхьащ къагъэлъэгъуа докладхэм.