2026 гъэм накъыгъэм и 12-м Ставрополь къалэм и Владимирскэ члисэ зэхуэхьэсам и административнэ унэм щекӏуэкӏащ Ставрополь митрополием и Архиерей советым и зи чэзу зэӏущӏэ. Зэхуэсым и лэжьыгъэм пашэ щыхъуащ Ставропольскрэ Невинномысскрэ я митрополит Кирилл.
Зэӏущӏэм хэтащ Пятигорскрэ Черкесскрэ я архиепископ Феофилакт, Георгиевскрэ Прасковейскрэ я щихънагъ Николай, советым и секретарь протоиерей Мэздэгу Иоанн сымэ.
Зэӏущӏэр здекӏуэкӏым советым хэтхэр хэплъащ мы ӏуэхухэм:
1. Кавказ Ищхъэрэм чыристэн диныр къыщащтэн папщӏэ Ставрополь митрополием и щихъхэм я Члисэм и тхыдэ мыхьэнэм теухуауэ.
2. Ставрополь митрополием и щихъхэм я Члисэм и тхьэнапэщӏэхэр Ставрополь, Пятигорск, Георгиевскэ епархиехэм етыным теухуауэ.
3. «Ставрополь митрополием и щихъхэм я Члисэ» фэеплъ медалыр къызэрызэрагъэпэщам теухуауэ.
4. Къыкӏэлъыкӏуэ зэӏущӏэр щекӏуэкӏыну махуэр, зэманыр, щӏыпӏэр къэщтэн.
Зытепсэлъыхьам и кӏэухым къащтащ епархием и гъащӏэм зегъэужьыным, Ставрополь щӏыналъэм и уафэ къыщхьэщыжакӏуэхэр гъэлъэпӏэным хуэунэтӏа унафэхэр.
Зэӏущӏэр щиухым митрополит Кирилл къэкӏуа архиерейхэм я пащхьэ ирилъхьащ Ставрополь митрополием и щихъхэм я Члисэр гъэлъэпӏэным хуэгъэпса гъэлъэгъуэныгъэ.
Ставрополь митрополием и пресс-ӏуэхущӏапӏэм и тхыгъэхэмкӏэ.