Накъыгъэм и 13-м Налшык Щоджэнцӏыкӏу Алий и цӏэр зезыхьэ Къэбэрдей къэрал драмэ театрым щекӏуэкӏащ «Щэнхабзэр террорым пэщӏэтщ» республикэ зэхуэсыр. Форумыр иригъэкӏуэкӏащ Къэбэрдей-Балъкъэр Республикэм щэнхабзэмкӏэ и министерствэм. Зэӏущӏэм и унафэщӏу щытащ КьБР-м и Правительствэм и Унафэщӏым и къуэдзэ Къуэшрокъуэ Залым. Форумым и лэжьыгъэм хэтащ республикэм и къэрал, жылагъуэ, дин зэгухьэныгъэхэм я лӏыкӏуэхэр. Спикерхэм ящыщщ Прохладнэ къалэм и Никольскэ члисэм и щоджэн иерей Еремеев Андрей.